Kommýnıster qashanda ónerdi qoldaıdy

Qazaqstannyń Kommýnıstik halyq partııasynan (QKHP) Májilis depýtattyǵyna kandıdattar tizimine engizilgender keshe Almatydaǵy Ábilhan Qasteev atyndaǵy qylqalam óneri sheberleriniń mýzeıinde bolyp, osyndaǵy qyzmetkerlerdiń aldynda ózderiniń úgit-nasıhat jumystaryn júrgizdi. Qylqalam óneriniń Qazaqstanda qaý­lap óristeýine sosıalıstik qoǵamnyń keń óris ashqanyn eske ala otyryp, depý­tattyqtan úmitkerler qazir ondaı qoldaý­dyń joq ekenin atap ótti. Sonymen qatar, keńestik kezeń sýretshileriniń eńbek dańqyn arttyrý, kommýnıstik ıdeıa­­lar­dy, jarqyn bolashaqty qalyń qaýym­ǵa taratý jolyndaǵy eńbekterin joǵa­ry baǵalady. Ásirese, partııa tóraǵasy Vladıslav Kosarev bul tarapta keńinen kósilip, qyl­­qalam óneri bılik tarapynan árqa­shan da qoldaýdy qajet etetinin aıtty. Bú­gingi tańda osy tarapqa bólingen bıýd­­jet qarajaty tıisti nátıjeler bere al­maı otyr. Eger nátıjeli bolsa, Ábil­han Qasteev, Sahı Roman, Gúlfaırýz Is­­­maılova jáne t.b. sııaqty elimiz ǵana emes, alys shetelderge tanylyp jat­qan sý­­retshiler nege joq, dedi ol. Sony­men qatar, ol keńestik kezeń ıdeolo­gııa­sy­nyń tásilderimen batystyq qyl­qalam óne­rin, olardyń ustanǵan erkin­dik, avan­gard­­tyq pozısııalaryn syna­dy. Sózi­niń qory­tyn­dysynda ol qylqa­lam óneri­niń qyzmet­kerlerin ózderine daýys be­rýge shaqyrdy. QKHP Almaty qalalyq komıtetiniń je­tekshisi Magerram Magerramov kom­mýnıster Batystyń mádenıetti, bar­lyq ónerdi paıda tabý quralyna aınal­dyryp jibergenine qarsy ekenin aıtty. «Batys mádenıeti bıznestiń salasy­na aınalyp ketti. Ol materıaldyq qun­dy­­lyqty ǵana joǵary qoıatyn boldy. Al biz qo­ǵam­dy ózimizdiń baı mádenıe­timiz­­ben tárbıe­leýimiz kerek», – dedi M.Mager­ramov. QKHP atynan Parlament Májilisi depýtattyǵynan taǵy bir úmitker, besin­shi saılanymnyń depýtaty Irına Smır­nova da óziniń sózinde Batys mádenıetine birshama syndar aıtyp, «bul faktorlar tulǵanyń rýhanı damýyna keri áserin tıgizip otyrǵanyn» atap kórsetti. Kezdesý barysynda kommýnıster mýzeıdegi keńes avangardızmi sýret­shi­leri­niń ekspozısııasyn da tamashalady. Olarǵa K.Iýon, P.Konchalovskıı, P.Ko­rın, A.Plastov jáne t.b. keńestik kezeń sýret­shileriniń týyndylary birshama jaqsy áser etti. Saltanat sońynda kommýnıs­ter mýzeı ákimshiligine alǵystaryn bil­dirip, murajaıdyń tulǵa qalyp­tas­tyrýda jáne rýhanı qundylyq­tardy sińirýde alatyn ornyn erekshe atap ótti. Jaqsybaı SAMRAT, «Egemen Qazaqstan». ALMATY.