Oblystyq saılaý komıssııasynyń habaryna qaraǵanda, bıylǵy saılaýda depýtat bolǵysy keletin úmitkerlerdiń qatarynda jastar kóp. Mysaly, oblystyq máslıhat depýtattyǵynan úmitkerdiń orta jasy 46 bolsa, qalalyq jáne aýdandyq máslıhattarda 42 jasty qurapty. 470 úmitkerdiń joǵary bilimi, 131-iniń arnaıy orta bilimi bar. Al 36 úmitker orta mektep bitirgen. Úmitkerlerdiń 198-i áıel, 439-y er adamdar. Máslıhattardaǵy oryndar úshin qazaq, orys, ýkraın, nemis, belorýs, moldavan, cheshen, ázerbaıjan, bashqurt, armıan, qaraqalpaq, qyrǵyz, ózbek, koreı ultynyń ókilderi synǵa túspek kórinedi.
– Úmitkerlerdiń arasynda muǵalim, ınjener, energetık, mehanık, baılanysshy, qurylysshy, qarjy-ekonomıka salasynyń qyzmetkerleri, kooperatıvter men sharýa qojalyqtarynyń ókilderi, dárigerler men zańgerler, memlekettik uıymdar men kásiporyndardyń qyzmetkerleri, kommersııalyq qurylymdar ókilderi, ákimdik apparaty men máslıhat qyzmetkerleri, saıası partııalar men úkimettik emes uıymdar ókilderi bar. Sondaı-aq, bir zeınetker men ýaqytsha jumyssyz eki adam da depýtattyqtan úmitti, – deıdi saılaý komıssııasynyń hatshysy Álııa Sabyrhanova.
PAVLODAR.