Saǵyzdyń qaldyǵy

kópten bergi kúdikti seıiltti Qytaıdyń Ýhan qalasynyń turǵyny ulynyń ózinen týǵa­nyna kúmán keltirgen er kisi onyń tegin dál anyqtaý úshin kádimgi aýyzǵa salyp, shaınaıtyn saǵyzdyń kómegine júginipti. Bul káripti buǵan májbúr etken uly men ekeýiniń dene bitimderi eki túrli bolyp shyqqany eken. Osy kúnderi jasy 18-ge tolyp, soqtaldaı jigit bolyp qal­ǵan bozbalanyń boıy syryq­taı syzylyp ósip ketipti. Onyń ús­tine jaýyryny da qaqpaqtaı bolatyn túri bar. Symdaı tar­tylǵan jas jigittiń túri de kelbetti bolsa kerek. Al alań kóńil ákesi bar bolǵyr so­nyń jar­tysynan sál asatyndaı qortyq bireý kórinedi. Sodan keıin kúdik shaqyrmaı kóre gór. «Bala – ákege kúmán, sheshege – aıan» degen sóz bar ǵoı. En­di balasynyń baǵanadaı bolǵan boıyna qarap, jany shyr­­qyraǵan áke bir kúni áıeli men balasynyń paıdalanǵan sa­ǵyzdarynyń qaldyqtaryn jı­nap alyp, qaladaǵy DNK-ny tekseretin zerthanaǵa kelipti. Sol jerde barlyq qupııany saqtaı otyryp, ulynyń kimnen týǵanyn anyqtap berýdi ótinedi. Al laboratorııalyq zertteýler arqyly anyqtalǵan tıisti belgiler ótinish jasaýshy kisiniń áıeli kúıeýine bul jóninen adal bolǵanyn tolyq kórsetip bergen. Zerthana ulynyń boıy uzyn, denesi úlken bolýyn onyń jaqsy tamaqtanatynymen, sportpen udaıy shuǵyldanatynymen, salamatty ómir saltyn us­tana­tynymen jáne qazirgi zamanǵy akselerasııa qarqy­nymen baılanystyrypty. Murat AITQOJA.