Búgingi kúnniń Kúlbıkesi

«Habar» agenttigi serıal­dar ón­dirisindegi otandyq na­ryq­­tyń damýyna óz úlesin qosý­dy jalǵastyrýda. Atal­mysh arna ázirlep jatqan kók­temgi tusaýkeserdiń biri jańa «Záýre» serıaly. Bul biz bile­tin baıaǵy Kúlbıke týraly er­tegi telehıkaıanyń jelisimen ushta­sady. Jańa teleserıalda ógeı she­sheniń qyspaǵyna ábden shydap kelgen qyz túptiń túbinde tamasha adamǵa jolyǵyp, baqytty bolady ǵoı. Oǵan deıingi osy zamannyń ertegisi kó­rermender úshin tartymdy bo­lýy tıis. Qysqasy, telehıkaıa nus­qasynda aýylda týyp-ósken Záýre esimdi jas qyz týraly baıan­dalady. Oqıǵa jelisine Záýreniń ózine senimsiz qyzdan jetistikke jetken, tanymal dızaınerge aınalý jolyndaǵy shym-shytyryq kúrdeli ómiri arqaý bolmaq. Jurt jaqsy biletin «Zo­lýshka» ertegisiniń qazaq­stan­dyq nusqa­synyń keıipkerin «Odın ız nas», «On ı ona» sııaqty jobalarǵa qa­tysqan belgili Dınara Baqty­baeva oı­naıdy. «On ı ona» fıl­min­­­degi róli arqasynda Dı­na­ra jurtshylyqqa keńinen ta­­­nylǵan. Onyń aıtýynsha: «Bul bar­lyq qıynshylyqtardan hanzada qutqaratyn Kúlbıkeniń oqıǵasy emes. Bizdiń oqıǵada me­niń keıipkerim bárine óz kúshi­men, jigerimen, talantymen qol jetkizedi». Ssenarıı avtory «Súrboıdaq», «Traktorshynyń mahabbaty» sııaqty jobalardy ómirge ákelgen Asqar Uzabaev. Al rejısseri «Mahabbatym jú­regimde-2» serıalyn túsirgen Ernar Nurǵalıev. Sondaı-aq, te­lehıkaıada Nurlan Tórehanov, Venera Nıg­matýlına, Aınur Nııa­zova, Jandos Aıbasov, Artýr Tólepov, Kamalııa Baıtó­leýova oınaıdy. Shyǵarmashylyq top sıýjetti jarasymdy ázilmen baıytýǵa já­ne akterlerdiń oıynyn shy­tyr­man oqıǵalar ári serııadan se­rııaǵa ótken saıyn qyzyqty bo­latyndaı etip jasaýǵa sóz ber­­gen eken. Ssenarıı barlyq jas­­­­taǵy kórermenderdiń qyzy­ǵý­shylyqtaryn eskere otyryp ja­zylǵan kórinedi. Melodramalyq týyndy túsirý ıdeıasy «Habar» agenttigine tıe­sili. Jobany iske asyrýǵa «567 Creative Laboratory»prodakshn kom­panııasynyń toby kirisse, tú­sirilimder Almaty jáne Talǵar qalalarynda júrgizildi. Aınash ESALI, «Egemen Qazaqstan». ALMATY.