Jumys oryndary saqtalýy tıis

Oblys ákimdiginde óńirdiń iri ká­sip­oryndary arasynda óndi­ris úrdisterin turaqtandyrý, jumys­pen qamtýdy úı­lestirý jáne jumys­shylardyń eńbek quqyq­tary máseleleri boıynsha ózara ynty­maqtastyq týraly memo­randýmdarǵa qol qoıyl­dy. Qujatqa qol qoıǵan kási­p­oryndardyń qatarynda «Qazaqstan alıýmınııi» AQ, «Qazaqstan elektrolız zaýyty» AQ, «Eýrazııalyq energetıkalyq korporasııa» AQ, «Qazhrom» TUK AQ fı­lıa­­ly Aqsý ferroqorytpa zaýyty, «Pav­lodar munaı-hımııa zaýyty» AQ, Eki­bastuzdaǵy GRES-1, GRES-2 JShS-lar, «Bogatyr Kómir» JShS sekildi alyp óndirister bar. – Bizdiń negizgi mindetimiz – ekonomı­kanyń qazirgi kezdegi damý deńgeıi men ju­mys oryndaryn saqtaı otyryp, sha­ǵyn jáne orta bıznesti qoldaýǵa baǵyt­talǵan sharalardy júzege asyrý, – dep atap ótti oblys ákimi Qanat Bozymbaev. Aıtsa aıtqandaı, bul óndiristik alyp kásiporyndardyń bárinde de myńdaǵan adam eńbek etýde. Qazir kásiporyndar ne­gizinen óndiris oryndarynda jańartý, jańǵyrtý jumystarymen aınalysýda. Jańa tehnologııalar engizildi, bul óndiriste eńbek ónimdiliginiń artýyna áser etedi. Sonymen birge, eko­logııalyq, qorshaǵan ortany qorǵaý jaǵdaılarynda elektr súz­giler ornatyp, kógaldandyrý jumys­tary jalǵasýda. О́ndiris oryn­daryna jastar kóptep kelýde. Kásip­oryn­darda dýaldy oqýy­tý júıesi bo­ıynsha kóptegen kásiptik-teh­nıkalyq kolledj tú­lekteri ári bilim alyp, ári óndi­ris­tik tá­ji­­rıbeden zaýyttarǵa kelip ótýde. Bul da jastar úshin jumys orynda­ry­nyń kepildigi. Son­dyqtan, qol qoıyl­ǵan ekijaqty memorandýmdar bary­synda jumys oryndaryn saqtaý qa­jettiligine basa nazar aýdaryldy. Iаǵnı, oblys ákimdigi kásip­oryn­dardyń óndiristik kúrdeli máselelerin sheshý, ınvestısııalar tartý men ınnovasııalar­dy engizý sharalaryn qarastyrady. Sonymen qatar, jumys berýshi men kásipodaqtyń qatysýymen áleýmettik árekettestik pen eń­bek qa­tynastaryn retteýge, jumys­shy­­lar­dy óńirlik eńbek naryǵynda sura­nysqa ıe mamandyqtar boıynsha qaıta daıar­laý men kásibı oqytýdy júrgizýge jár­­demdesedi. Memorandýmda aıtyl­ǵan­­dardy oryndaý, ony júzege asyrý boıynsha jumystar júrgizedi. Bul kún­deri oblysta óndiris úrdisterin turaq­tandyrý, jumys oryndaryn saq­taý jáne jumysshylardy jumyspen qamtý bo­ıynsha 1546 memorandýmǵa qol qoıyldy. Farıda BYQAI, «Egemen Qazaqstan». PAVLODAR.