2015 jylǵy 1 sáýir, Astana qalasy
«Dene shynyqtyrý jáne sport uıymdarynyń basshylary, mamandary laýazymdarynyń úlgilik biliktilik sıpattamalaryn bekitý týraly» Qazaqstan Respýblıkasy Sport jáne dene shynyqtyrý isteri agenttigi Tóraǵasynyń 2013 jylǵy 26 qarashadaǵy № 434 buıryǵyna ózgeris engizý týraly
Qazaqstan Respýblıkasynyń Eńbek kodeksiniń 125-babynyń 3-tarmaǵyna sáıkes buıyramyn:
1. «Dene shynyqtyrý jáne sport uıymdarynyń basshylary, mamandary laýazymdarynyń úlgilik biliktilik sıpattamalaryn bekitý týraly» 2013 jylǵy 26 qarashadaǵy № 434 Qazaqstan Respýblıkasy Sport jáne dene shynyqtyrý isteri agenttigi Tóraǵasynyń buıryǵyna (Normatıvtik quqyqtyq aktileri memlekettik tirkeý tiziminde № 9015 tirkelgen, 2013 jylǵy 31 jeltoqsanda «Ádilet» aqparattyq-quqyqtyq júıesinde jáne 2014 jylǵy 8 aqpandaǵy № 27 (28251) «Egemen Qazaqstan» gazetinde jarııalanǵan) kelesi ózgeris engizilsin:
osy buıryqpen bekitilgen Dene shynyqtyrý jáne sport uıymdarynyń basshylary, mamandary laýazymdarynyń úlgilik biliktilik sıpattamalarynda:
15-tarmaq mynadaı redaksııada jazylsyn:
«15. Biliktilikke qoıylatyn talaptar. Joǵary (jáne/nemese joǵary oqý ornynan keıingi), pedagogıkalyq (dene shynyqtyrý jáne sport), zań, ekonomıka mamandyqtary boıynsha, basshylyq laýazymdaǵy jumys ótili keminde 5 jyl nemese sport jáne dene shynyqtyrý salasynda keminde 5 jyl jumys tájirıbesiniń bolýy.».
2. Qazaqstan Respýblıkasy Mádenıet jáne sport mınıstrligi Sport jáne dene shynyqtyrý isteri komıteti (E.B.Qanaǵatov) zańnamada belgilengen tártippen:
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) osy buıryq memlekettik tirkeýden ótkennen keıin kúntizbelik on kún ishinde merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalanýyn;
3) osy buıryq resmı jarııalanǵannan keıin Qazaqstan Respýblıkasy Mádenıet jáne sport mınıstrliginiń ınternet-resýrsyna ornalastyrýdy;
4) osy tarmaqpen kózdelgen is-sharalardyń oryndalýy týraly málimetterdi is-sharalardy oryndaǵannan keıin on jumys kúni ishinde Qazaqstan Respýblıkasy Mádenıet jáne sport mınıstrliginiń Zań qyzmeti departamentine usynýdy qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasy Mádenıet jáne sport vıse-mınıstri S.J.Musaıbekovke júktelsin.
4. Osy buıryq alǵash resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Mádenıet jáne sport mınıstri A.MUHAMEDIULY.
«KELISILGEN»
Qazaqstan Respýblıkasynyń Densaýlyq saqtaý jáne
áleýmettik damý mınıstri ____________ T. Dúısenova
2015 jylǵy 3 sáýir
Buıryq Qazaqstan Respýblıkasynyń Ádilet mınıstrliginde 2015 jylǵy 6 mamyrda Normatıvtik quqyqtyq kesimderdi memlekettik tirkeýdiń tizilimine №10969 bolyp engizildi.