Belgili kásipker Naǵashybaı Barlybaev jetekshilik etetin «Arqalyq» JShS qymyz óndirisin jolǵa qoıyp, jurtshylyqty shıpaly sýsynmen qysta da qamtamasyz etip otyr. Búginde sharýashylyqtyń ónimderin dúken sórelerinen jıi kórýge bolady.Táýligine bir myń lıtr qymyz daıyndaıtyn zaýytta «Tentek», «Qymyz», «Qyzyloı» sekildi birneshe sýsyn túrleri shyǵarylady. О́nim oblyspen qatar, elimizdiń birneshe óńirlerine de jóneltiledi. Seriktestik Petropavl qalasynda jergilikti sazbalshyqpen jáne qymyzben emdeıtin saýyqtyrý ortalyǵyn salýdy aıaqtap qaldy.
N.Barlybaevtyń basshylyǵyndaǵy sharýashylyq byltyr respýblıkalyq «Paryz» baıqaýynda top jarǵan bolatyn. Shaǵyn kásipkerlik sýbektileri arasynda «Úzdik áleýmettik jýapkershilikti kásiporyn» nomınasııasy boıynsha jeńimpaz atanǵan-dy.
О́mir ESQALI.
Soltústik Qazaqstan oblysy, Mamlıýt aýdany.