О́zara yqpaldastyq jaıy talqylanǵan forým

«Qazaqstan temir joly» UK» AQ delegasııasy Túrkııanyń Ystambul qalasynda ótken «Eurasia Rail 2016» halyqaralyq temirjolshylar forýmyna qatysty. Forým sheńberinde «QTJ»UK» AQ prezıdenti Asqar Mamınniń Túrkııa kólik salasynyń jetek­shi­leri – kólik, kommýnıkasııa jáne teńiz joly mınıstri Bınalı Iyl­­dy­rymmen jáne memlekettik temir­joldyń bas dırektory Omer Iyl­­dyzben jumys babyndaǵy kezdesý­leri boldy. Kezdesýler barysynda eki el­diń kólik jáne logıs­tıka sala­laryndaǵy yntymaq­tas­tyǵynyń birqatar máseleleri men Qytaı – Qa­zaqstan – Túrkııa – Eýropa Transkaspıı halyqaralyq kólik marshrýtyn (THKM) damytý máse­leleri talqylandy. Kólik, kommýnıkasııa jáne te­ńiz joly mınıstri Bınalı Iyl­dy­rym 2016 jyldyń qazan aıynda aıaqtalady dep josparlanǵan Kars – Ahalkalakı temirjol bóligi qu­rylysynyń barysy týraly aq­parat berdi. Túrkııa men Grýzııa arasynda temir­jol qatynasyn ornatý Trans­kaspıı halyqaralyq kólik mar­shrýtynyń jumysyna qosym­sha qýatty serpin beretin bolady. A.Mamın atalǵan marshrýt Qytaı, Túrkııa jáne Eýropanyń oń­tús­­­tik bóligi elderiniń ara­syn­­daǵy naryqtardyń kólik baı­la­ny­syn sheshý úshin jańa logıs­tı­ka­lyq baǵyttar izdep otyrǵan halyq­aralyq kólik-logıs­tıkalyq qoǵam­dastyqtyń nazaryn ózine aýdaratynyn atap kórsetti. Qos tarap THKM-ny damytý­dyń Úılestirý komıtetiniń mar­shrýt­tyń tıimdi tarıftik saıasat júr­­gizý, tasymaldaýdyń birtutas teh­no­logııalaryn en­gizý jáne ınte­gra­sııalanǵan mýl­tımodaldyq logıs­tıkalyq ónim qurý nátıje­sin­de básekege qabilettiligin art­tyrý bo­ıyn­sha jasap jatqan jumysyn oń baǵalady. Kezdesý barysyna, sondaı-aq, áńgime Túrkııadan shyǵatyn júk tıelgen avtokólik aǵynyn Aq­taý porty arqyly Ortalyq Azııa el­deri men Qazaqstanǵa ulǵaıtý týraly órbidi. Tek osy jyldyń ótken eki aıy ishinde ǵana júk tıep ótken kólikter sany 1660-tan astam birlikti qurasa, 2015 jyl boıy 1885 kólik ótken edi. Eske sala ketsek, temirjol kóli­gi, ınfraqurylym jáne logıs­tı­­­ka jónindegi «Eurasia Rail 2016» halyqaralyq forýmy aýqymy jóni­nen dúnıejúzi boıynsha úshin­shi salalyq forým sanalady. Ol Eýrazııa qur­ly­ǵynda yrǵaqty damyp kele jat­qan logıstıkalyq ınfra­qurylymdardyń múmkindikterin baǵalaýǵa múmkindik beredi. Ústimizdegi jyly kórme men kon­fe­rensııaǵa álemniń 25 elinen 200-den astam kompanııanyń ókilderi keldi. Sáýlebek BIRJAN.