ASTANA. 10 naýryz. Egıpettiń ońtústigindegi Sınaı túbeginde jol apatynan 18 adam qaza tapty. Bul týraly TASS aqparat agenttigine silteme jasaǵan egemen.kz tilshisi habarlady.
Qaza bolǵandardyń arasynda Egıpet ishki ister mınıstrliginiń 12 qyzmetkeri jáne 4 stýdent bar. Qalǵan eki adam jaıly málimet ázirge belgisiz. Sondaı-aq, 5 adam túrli deńgeıde jaraqat alyp, jaqyn mańaıdaǵy aýrýhanaǵa jetkizildi.
«Al-Iаým as-Sabıa» basylymynyń habarlaýynsha, jol-kólik oqıǵasy Abý-Rýdeıs jáne Ońtústik Sınaı provınsııasynyń ákimshilik ortalyǵy Et-Tor eldi-mekenderiniń arasynda bolǵan. Jolaýshylarǵa toly mıkroavtobýs pen júk kóligi soqtyǵysyp qaldy. Apattyń sebebi ázirge belgisiz. Oqıǵa ornynda polısııa qyzmetkerleri tergeý amaldaryn júrgizip jatyr.
Aıan Ábdýálı.
Derek: TASS.
Sýret: e1.ru