«Aqseleý oqýlary» ótti

L.N.Gýmılev atyndaǵy Eýrazııa ulttyq ýnı­versıtetinde Mem­lekettik syılyqtyń laý­rea­ty, Qazaqstannyń eńbek sińirgen qaı­ratkeri A.Seıdimbekti eske alýǵa arnal­ǵan dástúrli «Aqseleý oqýlary» ótti. Ony jýrnalıstıka jáne saıasattaný fakýlteti baspa­sóz jáne baspa isi kafedrasynyń ujymy uıymdastyrýynyń ózindik zańdy­lyǵy bar. О́ıtkeni, irgetasy 1998 jyly qalanǵan jýrnalıstıka kafedrasynyń negizinde 2009 jy­ly ashylǵan baspasóz jáne baspa isi kafed­rasynyń qalyptasýy men ósip-órkendeýine fılologııa ǵylymda­ry­nyń doktory, professor Aqseleý Seıdimbektiń qosqan úlesi ólsheýsiz ekeni el esinde. «Aqseleý oqýlarynyń» ashylý saltana­tynda baspasóz jáne baspa isi kafedra­synyń meńgerýshisi Qaırat Saq qaıratker-qalamger­diń qazaq qoǵamyndaǵy ulttyq ıdeıany damy­týǵa qosqan ólsheýsiz úlesine toqtala kelip, Aqseleýdiń esimin urpaq jadynda jańǵyrtý maqsatynda atqarylyp jatqan is-sharalardy atap ótti. Ýnıver­sıtettiń «Otyrar kitapha­nasy» ǵylymı-zertteý ortalyǵynda A.Seıdimbek atynda­ǵy ǵylym zaly ashylǵanyn, BAQ bas­shy­lary men jetekshi jýrnalıster arasynda bılıardtan Aqseleý atyndaǵy týrnır uıymdastyrylǵanyn, jýrnalıstıka ma­gıs­­tr­larynyń oqý josparyna «Professor A.Seıdimbektiń shyǵarmashylyq zerthanasy» atty arnaıy pán engizilgenin jáne «Aq­seleý oqýlary» dástúrli túrde jyl saıyn jalǵa­syn tabatynyn kópshilik úlken qoshemetpen qabyldady. «Aqseleý oqýlarynyń» alǵashqy kúni Mem­lekettik syılyqtyń laýreaty, jazýshy Q.Salǵarauly men tarıh ǵylymdarynyń doktory, professor J.Artyqbaev ustaz­dar, magıstranttar jáne stýdentter aldyn­da «A.Seı­dimbek – etnograf-ǵalym» degen taqy­rypta dáris oqydy. Al ekinshi kúni Parlament Májilisiniń depýtaty, Memlekettik syılyqtyń laýrea­ty Bekbolat Tileýhan «A.Seıdimbek – ón­er­tanýshy» atty sazdy kesh ótkizip, Alash Aq­seleýiniń qazaq óneri men mádenıetine qosqan ólsheýsiz úlesi týraly keńinen áńgime órbitti. Atadan balaǵa mıras bolyp kele jatqan qasıetti qara shanaq domby­ramen kúmbirlete kúı tógip, Aqań ánderin áýeletti. Úshinshi kúni jazýshy-ǵalymnyń úzeńgi­les dostary Beksultan Nurjekeuly, Kádir­bek Se­gizbaıuly jáne Qýanyshbaı Qurman­ǵa­lıuly «Aqseleý oqýlaryna» qatysý úshin Almaty qa­lasynan at terletip, Astanaǵa arnaıy keldi. Qazaq qalamgerleriniń «Aq­seleý – jýrnalıst, jazýshy, aýdarmashy» degen taqyryptaǵy dá­ris­teri men aıtqan estelikterin jınalǵan qaý­ym uıyp tyńdady. Gúljazıra ERTASOVA,  L.N.Gýmılev atyndaǵy Eýrazııa ulttyq ýnıversıtetiniń aǵa oqytýshysy.