Almatynyń myńjyldyǵy

úshin logotıp tańdap alyndy Iá... sonymen, Almaty sha­hary 1000 jyldyq mereıtoıyn atap ótýge daıyn. Biraq ol aıtýly mereke ústimizdegi jyldyń qaı aıynda, qaı kúni bolary ázirge beımálim. Qalalyq mádenıet basqarmasynyń bas mamany Danııar Álıevtiń má­limetine qaraǵanda, Almaty ákimdiginiń atynan IýNESKO-nyń bas shtabyna jazylǵan arnaıy qarar bar. «Almatyǵa – 1000 jyl!» degen uly dúbirge qatysty másele oń sheshilip qalar degen úmit te joq emes. Demek... Osyǵan oraı Almaty aspanǵa otshashý atylar kúndi laıyqty qarsy alýǵa tas túıin ázir ekenin bildirip te qoıdy. Kúni keshe qalanyń 1000 jyldyǵyna oraılastyryp jarııalanǵan bir aılyq baıqaýdyń jeńimpazy anyq­taldy. Shahardyń on ǵa­syrlyq merekesin aıshyq­taı­tyn laıyqty logotıp avtory almatylyq sý­ret­shi Elena Maı­danova 1 mıl­lıon teńge syı­aqyny jeńip aldy. Alda­ǵy kúnderi qala kó­sheleri men alań­darynan oıyp turyp oryn alatyn keskindeme sýret uzyn-sany 123 jobanyń ishin­degi eń úzdigi dep tanyldy. Sarap­shylar bul sýretke kóne túrki zamanyndaǵy rýnı­kalyq belgileri úshin ba­sym­dyq bergenin jasyrmaıdy. Almaty aportynyń ǵajaıyp keskindemesi ózge belgi­lermen jarasymdy úılesken degen tujyrym jasalǵany da barshaǵa jarııa etildi. Búginde kúlli shahar turǵyn­dary Parıj jaqqa qulaq túrip, jeldeı esip jetetin jaǵymdy ja­­ńa­lyqty yntyzar kúımen kútip otyr... Talǵat SÚIINBAI, «Egemen Qazaqstan». ALMATY.