Aralyq kezeń qorytyndylandy

Kókshetaý qalasynda «Aýyl» halyqtyq-demokratııalyq patrıottar partııasy oblystyq fılıalynyń tóraǵasy, aımaqtyq qoǵamdyq shtabynyń jetekshisi Ábiljan Husaıynovtyń tóraǵalyǵymen shtab otyrysy ótti. «Aýyl» HDPP atynan Parlament Májilisiniń depýtattyǵynan úmitker Talǵat Zeınýllın, oblystyq fılıal saıası keńesiniń, jastar qanatynyń músheleri, partııa belsendileri qatysqan sharada úgit-nasıhat naýqanynyń aralyq kezeńi qorytyndylandy. Á.Husaıynovtyń málimdeýinshe, úgit-na­sıhat kezeńi bastalǵan kúnnen beri respýblıkalyq jáne aımaqtyq shtab­tyń belsendileri 80-nen astam is-sha­ra uıymdastyrǵan. Parlament Máji­lisiniń depýtattyǵynan úmitker retin­de tirkelgen azamattar elimizdiń bar­lyq óńirlerinde bolyp, halyqpen, eń­bek ujymdarymen kezdesýler uıym­dastyrýda. Partııanyń barlyq úgit materıal­dary der kezinde daıyndalyp, oblys­tyq shtabtarǵa jetkizildi. Partııa bılbor­dy elimizdiń barlyq óńirlerinde orna­tylǵan. Saılaýaldy nasıhattyq beıne­ro­lıkter respýblıkalyq arnalardan kórsetilýde. Sonymen qatar, halyq­ty partııanyń saılaýaldy baǵdar­lamasymen tanystyrý sharalary úzdiksiz júrgizilýde. – «Aýyl» partııasynyń óńirlik shta­by jumysyn shırata túsýde. Bizdiń saılaýaldy jumystarymyz res­pýb­lıkalyq ortalyq shtab bekitken keste boıynsha júrgizilýde. Aımaqtyq saılaý komıssııalary bizdiń partııanyń 5 mú­shesin aýdandyq máslıhattyń depýtat­tyǵynan úmitker retinde tirkedi. «Saılaý týraly» Zań talaptaryna saı tirkeý­den ótken 90 senim bildirilgen adam bel­sendi jumystar atqarýda. Kún demeı, tún demeı, mereke kúnderine qaramas­tan, úgit-nasıhat sharalary bir sátke de toqtaǵan emes. Saıası, tárbıelik mańyz­daǵy birtalaı sharalar júzege asyryldy. Endi búgin júrip ótken jolymyzdy bir sholyp, aldaǵy mindetterdi jańasha qarqynmen júrgizýdi naqtylap almaqpyz», – dedi «Aýyl» HDPP Aqmo­la ob­lysy boıynsha saılaýaldy shta­by­nyń úılestirýshisi Gúlmıra Qusaıy­nova. Aımaqtyq shtab belsendileriniń aı­týynsha, halyqtyń depýtattyqtan úmit­­kerlerimen kezdesýi kezinde kóp qoıy­latyn suraqtar qataryna jumys­pen qamtý, kommýnaldyq tólemder tarıfi, bilim berý, densaýlyq saqtaý salalarynyń qoljetimdiligi, aýyl sharýashylyǵyn damytý taqyryptaryn qosýǵa bolady. Bul máselelerdiń bar­ly­ǵy partııanyń saılaýaldy baǵdar­lama­synda kórinis tapqan. Sonymen qatar, árbir úgit-nasıhat tobynyń baratyn jeri, ýaqyty, baǵyty búgingi kúni naq­ty­­lan­ǵan, árbir sharanyń baǵdarla­masy bekitil­gen jáne jergilikti shtab ju­my­syn kúsheı­tý baǵytynda usynystar ázirlengen. Baqbergen AMALBEK, «Egemen Qazaqstan». Aqmola oblysy.