2015 jylǵy 24 aqpandaǵy, Astana qalasy
Shaǵyn, orta jáne iri kásipkerlik sýbektilerine jatatyn zańdy tulǵalardyń úlgilik jarǵylaryn
«Zańdy tulǵalardy memlekettik tirkeý jáne fılıaldar men ókildikterdi eseptik tirkeý týraly» 1995 jylǵy 17 sáýirdegi Qazaqstan Respýblıkasy Zańynyń 7 - babyna sáıkes buıyramyn:
1. Qosa berilip otyrǵan:
1) osy buıryqtyń 1- qosymshasyna sáıkes aksıonerlik qoǵamnyń úlgi jarǵysy;
2) osy buıryqtyń 2 - qosymshasyna sáıkes jaýapkershiligi shekteýli seriktestiktiń úlgi jarǵysy;
3) osy buıryqtyń 3 - qosymshasyna sáıkes qosymsha jaýapkershiligi bar seriktestiktiń úlgi jarǵysy;
4) osy buıryqtyń 4 - qosymshasyna sáıkes senim seriktestiktiń úlgi jarǵysy;
5) osy buıryqtyń 5 - qosymshasyna sáıkes tolyq seriktestiktiń úlgi jarǵysy;
6) osy buıryqtyń 6 - qosymshasyna sáıkes óndiristik kooperatıvtiń úlgi jarǵysy bekitilsin.
2. Qazaqstan Respýblıkasy Ádilet mınıstrliginiń Tirkeý qyzmeti jáne zań qyzmetin uıymdastyrý departamenti osy buıryqty memlekettik tirkeýdi jáne ony zańnamada belgilengen tártippen resmı jarııalaýdy qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasy Ádilet mınıstriniń orynbasary B. J. Ábdiraıymǵa júktelsin.
4. Osy buıryq onyń resmı jarııalanǵan kúninen bastap kúntizbelik on kún ótken soń qoldanysqa engiziledi.
Qazaqstan Respýblıkasynyń Ádilet mınıstri B.IMAShEV.
Qazaqstan Respýblıkasy Ádilet mınıstriniń
2015 jylǵy 24 aqpandaǵy №106 buıryǵyna 1-qosymsha
Aksıonerlik qoǵamnyń úlgilik jarǵysy
1. Jalpy ereje
1. ____________________________________________________________ (ataýy - ótinishte kórsetiledi)
aksıonerlik qoǵamnyń (budan ári - qoǵam) osy jarǵysy onyń ataýyn, turǵylyqty ornyn, onyń organdarynyń qurylý tártibi men quzyretin, qaıta qurylý jáne qyzmetin toqtatý jaǵdaıyn jáne Qazaqstan Respýblıkasynyń zańnamalaryna qaıshy kelmeıtin basqa da erejelerin aıqyndaıdy.
2. Qoǵam Qazaqstan Respýblıkasynyń zańnamalaryna sáıkes zańdy tulǵa bolyp tabylady, jeke balansy, bankte esep-shoty bolady, óz atynan múliktik jáne múliktik emes quqyqtardy iske asyrýǵa, mindetter alýǵa, sotta talapker jáne jaýapker bolýǵa quqyly.
3. Qoǵamnyń óz ataýy bar blankileri óz qyzmetin atqarý úshin qajetti basqa da rekvızıtteri bolady.
4. Qoǵam óz qyzmetinde Qazaqstan Respýblıkasynyń Konstıtýsııasynyń, Azamattyq kodeksin, «Aksıonerlik qoǵam týraly» Zańy (budan ári - Zań), basqa da Qazaqstan Respýblıkasynyń normatıvtik quqyqtyq aktilerin jáne de osy Jarǵyny basshylyqqa alady.
5. Qoǵam Qazaqstan Respýblıkasynyń zańnamalarymen belgilengen tártippen zańdy tulǵalardyń jarǵylyq kapıtalyna qatysýǵa quqyly.
6. Qazaqstan Respýblıkasynyń zańnamalyq aktilerimen belgilengen tártipte qoǵam onyń turǵylyqty jerinen tys jerlerde ornalasqan, qoǵamnyń atynan jáne tapsyrmasymen olar týraly ereje negizinde áreket etetin,zańdy tulǵa bolyp tabylmaıtyn fılıaldar (ókildikter) qurýǵa quqyly.
2. Qoǵamnyń atqarýshy organynyń ataý men onyń turǵylyqty jeri
7. Qoǵamnyń tolyq ataýy:
1) memlekettik tilde _____________________________________________
(ótinishte kórsetiledi)
2) orys tilinde __________________________________________________
(ótinishte kórsetiledi)
8. Qoǵamnyń qysqartylǵan ataýy: _________________________________
1) memlekettik tilde______________________________________________
(ótinishte kórsetiledi)
2) orys tilinde___________________________________________________
(ótinishte kórsetiledi)
9. Qoǵamnyń atqarýshy organynyń turǵylyqty jeri
_______________________________________________________________
(ótinishte kórsetiledi)
Jeke kásipkerlik sýbektisiniń mártebesi___________________________
(ótinishte kórsetiledi)
3. Qoǵam aksıonerleriniń quqyqtary men mindetteri
10. Qoǵam aksıoneriniń:
1) Zańda jáne qoǵamnyń jarǵysynda kózdelgen tártippen qoǵamdy basqarýǵa qatysýǵa;
2) dıvıdendter alýǵa;
3) qoǵamnyń qyzmeti týraly aqparat alýǵa, onyń ishinde aksıonerlerdiń jalpy jınalysynda nemese qoǵamnyń jarǵysynda aıqyndalǵan tártippen qoǵamnyń qarjylyq eseptiligimen tanysýǵa;
4) qoǵamnyń tirkeýshisinen nemese nomınaldy ustaýshydan onyń baǵaly qaǵazdarǵa menshik quqyǵyn rastaıtyn ózindi kóshirmeler alýǵa;
5) qoǵam aksıonerleriniń jalpy jınalysyna qoǵamnyń dırektorlar keńesine saılaý úshin kandıdatýralar usynýǵa;
6) qoǵamnyń organdary qabyldaǵan sheshimge sot tártibimen daý aıtýǵa;
7) qoǵamnyń daýys beretin aksııalarynyń bes jáne odan da kóp paıyzyn derbes nemese basqa aksıonerlermen jınaqtap alǵanda ıelengen kezde, Zańda kózdelgen jaǵdaılarda, óz atynan sot organdaryna qoǵamnyń laýazymdy adamdarynyń qoǵamǵa keltirilgen zalaldardy qoǵamǵa óteýi jáne qoǵamnyń laýazymdy adamdarynyń jáne (nemese) olardyń affılıırlengen tulǵalarynyń iri mámileler jáne (nemese) múddelilik bolýyna oraı jasalatyn mámileler jasasý (jasasýǵa usynys) týraly sheshim qabyldaý nátıjesinde alǵan paıdany (tabysty) qoǵamǵa qaıtarýy týraly talappen júginýge;
8) qoǵamǵa onyń qyzmeti týraly jazbasha suraý salýǵa jáne qoǵamǵa suraý salý kelip túsken kúnnen bastap kúntizbelik otyz kún ishinde dáleldi jaýaptar alýǵa;
9) qoǵam taratylǵan kezde múliktiń bir bóligine;
10) Qazaqstan Respýblıkasynyń zańnamalyq aktilerinde kózdelgen jaǵdaılardy qospaǵanda, Zańda belgilengen tártippen óz aksııalaryna aıyrbastalatyn qoǵamnyń aksııalaryn nemese basqa da baǵaly qaǵazdaryn artyqshylyqpen satyp alýǵa;
11) aksıonerlerdiń jalpy jınalysynyń Zańda kózdelgen tártippen qoǵam aksııalarynyń sanyn ózgertý týraly nemese olardyń túrin ózgertý týraly sheshim qabyldaýyna qatysýǵa quqyly.
11. Iri aksıonerdiń, sondaı-aq:
1) aksıonerlerdiń kezekten tys jalpy jınalysyn shaqyrýdy talap etýge nemese dırektorlar keńesi aksıonerlerdiń jalpy jınalysyn shaqyrýdan bas tartqan jaǵdaıda ony shaqyrý týraly talap-aryzben sotqa júginýge;
2) dırektorlar keńesine Zańǵa sáıkes aksıonerlerdiń jalpy jınalysynyń kún tártibine qosymsha máseleler engizýdi usynýǵa;
3) dırektorlar keńesiniń otyrysyn shaqyrýdy talap etýge;
4) óz esebinen aýdıtorlyq uıymnyń qoǵam aýdıtin júrgizýin talap etýge quqyǵy bar.
12. Artyqshylyqty aksııalardyń menshik ıeleri - aksıonerlerdiń jaı aksııalardyń menshik ıeleri - aksıonerlerine qaraǵanda qoǵamnyń jarǵysynda belgilenip, aldyn ala aıqyndalyp kepildik berilgen mólsherde dıvıdendter alýǵa jáne qoǵam taratylǵan kezde Zańda belgilengen tártippen múliktiń bir bóligine basym quqyǵy bar.
13. Qoǵamnyń aksıoneri:
1) aksııalardy tóleýge;
2) osy aksıonerge tıesili aksııalardy qoǵamnyń tirkeýshisine jáne naqtyly ustaýshyǵa qoǵamnyń aksııalaryn ustaýshylardyń tizilimder júıesin júrgizýge qajetti málimetterdiń ózgerisi týraly on kún ishinde habarlaýǵa;
3) qoǵam nemese onyń qyzmeti týraly qyzmettik, kommersııalyq nemese zańmen qorǵalatyn ózge de qupııa bolyp tabylatyn aqparatty jarııa etpeýge;
4) Zańda jáne Qazaqstan Respýblıkasynyń ózge zań aktilerinde belgilengen basqa da mindetterdi oryndaýǵa mindetti.
4. Qoǵamnyń organdary, olardy qurý tártibi
14. Mynalar:
1) joǵary organ - aksıonerlerdiń jalpy jınalysy (barlyq daýys beretin aksııalary bir aksıonerge tıesili qoǵamda - sol aksıoner);
2) basqarý organy - dırektorlar keńesi;
3) atqarýshy organ - alqaly organ nemese ataýy qoǵamnyń jarǵysynda belgilenetin atqarýshy organ qyzmetin jeke-dara júzege asyratyn tulǵa qoǵam organdary bolyp tabylady.
15. Aksıonerlerdiń birinshi jalpy jınalysynda qoǵamnyń dırektorlar keńesi saılanady. Qazaqstan Respýblıkasynyń zańnamalarynda jáne qoǵamnyń jarǵysynda ózgeshe kózdelmegen jaǵdaıda, dırektorlar keńesi quramyna saılanǵan tulǵalar shekteýsiz rette qaıta saılana alady.
Dırektorlar keńesiniń quzyreti merzimi aksıonerlerdiń jalpy jınalysymen belgilenedi. Dırektorlar keńesiniń quzyreti merzimi jańa dırektorlar keńesin saılaý týraly jınalys ótken sátten bastap aıaqtalady.
Aksıonerlerdiń jalpy jınalysy dırektorlar keńesiniń barlyq nemese jekelengen músheleriniń quzyretin ýaqytynan buryn toqtatýǵa quqyly.
Dırektorlar keńesiniń múshesiniń quzyretin onyń bastamasymen ýaqytynan buryn toqtatý dırektorlar keńesine jazbasha túrde habarlaý negizinde júzege asyrylady.
Dırektorlar keńesiniń mundaı múshesiniń quzyreti atalǵan habarlamany dırektorlar keńesi atǵan sátten bastap toqtatylady.
Dırektorlar keńesiniń múshesiniń quzyreti toqtatylǵan jaǵdaıda, dırektor keńesiniń jańa múshesin saılaý, aksıonerlerdiń jalpy jınalysyna usynylǵan, kýmýlıatıvti daýys berýmen júzege asyrylady, mundaı jaǵdaıda jańa saılanǵan drektorlar keńesiniń múshesiniń quzyreti, barlyq dırektorlar keńesiniń quzyretiniń toqtatylýy ýaqytymen birge toqtatylady.
16. Dırektorlar keńesi atqarýshy organnyń sandyq quramy men quzyretin, onyń dırektory men múshelerin (atqarýshy organdy jeke dara atqarýshy tulǵany) saılaý, sonymen qatar olardyń quzyretin ýaqytynan buryn toqtatý tártibin anyqtaıdy.
5. Aksıonerlerdiń jalpy jınalysynyń quzyreti
17. Aksıonerlerdiń jalpy jınalysynyń aıryqsha quzyretine myna máseleler jatqyzylady:
1) qoǵam jarǵysyna ózgerister men tolyqtyrýlar engizý nemese onyń jańa redaksııasynda bekitý;
2) korporatıvtik basqarý kodeksin, sondaı-aq ol qabyldanǵan jaǵdaıda oǵan engiziletin ózgerister men tolyqtyrýlardy bekitý;
3) qoǵamdy erikti túrde qaıta uıymdastyrý nemese taratý;
4) qoǵamnyń jarııalanǵan aksııalarynyń sanyn ulǵaıtý nemese qoǵamnyń ornalastyrylmaǵan jarııalanǵan aksııalarynyń túrin ózgertý týraly sheshim qabyldaý;
5) qoǵamnyń baǵaly qaǵazdaryn aıyrbastaý sharttary men tártibin, sondaı-aq olardy ózgertýdi aıqyndaý;
6) qoǵamnyń jaı aksııalaryna aıyrbastalatyn baǵaly qaǵazdardy shyǵarý týraly sheshim qabyldaý;
7) ornalastyrylǵan aksııalardyń bir túrin aksııalardyń basqa túrine aıyrbastaý týraly sheshim qabyldaý, mundaı aıyrbastaýdyń sharttary men tártibin aıqyndaý;
8) esep komıssııasynyń san quramyn jáne ókilettik merzimin belgileý, onyń múshelerin saılaý jáne olardyń ókilettigin merziminen buryn toqtatý;
9) dırektorlar keńesiniń san quramyn, ókilettik merzimin belgileý, onyń múshelerin saılaý jáne olardyń ókilettigin merziminen buryn toqtatý, sondaı-aq dırektorlar keńesiniń múshelerine olardyń óz mindetterin atqarǵany úshin syıaqy tóleýdiń jáne shyǵystaryn óteýdiń mólsheri men sharttaryn aıqyndaý;
10) qoǵamnyń aýdıtin júzege asyratyn aýdıtorlyq uıymdy belgileý;
11) jyldyq qarjy eseptiligin bekitý;
12) qoǵamnyń esepti qarjy jylyndaǵy taza tabysyn bólý tártibin bekitý, jaı aksııalar boıynsha dıvıdendter tóleý týraly sheshim qabyldaý jáne qoǵamnyń bir jaı aksııasyna shaqqandaǵy dıvıdend mólsherin bekitý;
13) zańda kózdelgen jaǵdaılar paıda bolǵan kezde qoǵamnyń jaı ján artyshylyqty aksııalary boıynsha dıvıdendter tólemeý týraly sheshim qabyldaý;
14) qoǵam aksııalarynyń erikti delıstıngi týraly sheshim qabyldaý;
15) qoǵamǵa tıesili barlyq aktıvterdiń jıyrma bes jáne odan da kóp prosentin quraıtyn somadaǵy aktıvterdiń bir nemese birneshe bóligin berý (alý) arqyly qoǵamnyń ózge de zańdy tulǵalardy qurýǵa nemese olardyń qyzmetine qatysýy týraly sheshim qabyldaý;
16) aksıonerlerdiń jalpy jınalysyn shaqyrý týraly qoǵamnyń aksıonerlerge habarlaý nysanyn belgileý jáne mundaı aqparatty buqaralyq aqparat jarııalaý týraly sheshim qabyldaý;
17) qoǵam olardy Zańǵa sáıkes satypalǵan kezde aksııalardyń qunyn belgileý ádistemesine ózgeristerdi bekitý (eger ony quryltaı jınalysy bekitpese, ádistemeni bekitý);
18) aksıonerlerdiń jalpy jınalysynyń kún tártibin bekitý;
19) aksıonerlerge qoǵam qyzmeti týraly aqparat berý tártibin belgileý, onyń ishinde, eger mundaı tártip qoǵam jarǵysynda belgilenbese, buqaralyq aqparat quralyn anyqtaý;
20) «altyn aksııany» engizý jáne onyń kúshin joıý;
21) sheshim qabyldaý Zańda jáne qoǵamnyń jarǵysynda aksıonerlerdiń jalpy jınalysynyń aıryqsha quzyretine jatqyzylǵan ózge de máseleler.
18. Osy tarmaqtyń 1), 4), jáne 17) tarmaqshalarynda kórsetilgen máseleler boıynsha aksıonerlerdiń jalpy jınalysynyń sheshimderi qoǵamnyń daýys beretin aksııalarynyń jalpy sanynyń aıqyn basym kópshiligimen, al ınvestısııalyq jekeshelendirý qoryn qaıta qurý nátıjesinde qurylǵan qoǵamda – qoǵamnyń jınalysta ókildik etken daýys beretin aksııalarynyń aıqyn basym kópshiligimen qabyldanady.
19. Eger Zańda jáne qoǵamnyń jarǵysynda ózgeshe belgilenbese, aksıonerlerdiń jalpy jınalysynyń ózge máseleler boıynsha sheshimderi qoǵamnyń daýys berýge qatysýshy daýys beretin aksııalarynyń jalpy sanynyń jaı kópshilik daýsymen qabyldanady.
6. Dırektorlar keńesiniń quzyreti
20. Dırektorlar keńesiniń aıryqsha quzyretine mynadaı máseleler jatady:
1) qoǵam qyzmetiniń basym baǵyttaryn aıqyndaý;
2) aksıonerlerdiń jyldyq jáne kezekten tys jalpy jınalysyn shaqyrý týraly sheshim qabyldaý;
3) jarııalanǵan aksııalardyń sany sheginde aksııalardy ornalastyrý (ótkizý) týraly, onyń ishinde ornalastyrylatyn (ótkiziletin) aksııalardyń sany, olardy ornalastyrý (ótkizý) tásili men baǵasy týraly sheshim qabyldaý;
4) qoǵamnyń ornalastyrylǵan aksııalardy nemese basqa da baǵaly qaǵazdardy satyp alýy jáne olardy satyp alý baǵasy týraly sheshim qabyldaý;
5) qoǵamnyń jyldyq qarjy eseptiligin aldyn ala bekitý;
6) dırektorlar keńesiniń komıtetteri týraly erejelerdi bekitý;
7) qoǵamnyń oblıgasııalaryn jáne týyndy baǵaly qaǵazdaryn shyǵarý talaptaryn aıqyndaý, sondaı-aq olardy shyǵarý týraly sheshimder qabyldaý;
8) atqarýshy organnyń san quramyn, ókilettik merzimin anyqtaý, onyń basshysyn jáne múshelerin (atqarýshy organnyń fýnksııasyn jeke-dara júzege asyratyn adamdy) saılaý, sondaı-aq olardyń ókilettikterin merziminen buryn toqtatý;
9) atqarýshy organnyń basshysy men músheleriniń (atqarýshy organnyń fýnksııasyn jeke-dara júzege asyratyn adamnyń) laýazymdyq aılyqaqylarynyń mólsherin jáne olarǵa eńbekaqy jáne syılyqaqy tóleý talaptaryn aıqyndaý;
10) ishki aýdıt qyzmetiniń sandyq quramyn, ókilettik merzimin aıqyndaý, onyń basshysy men múshelerin taǵaıyndaý, sondaı-aq olardyń ókilettikterin merziminen buryn toqtatý, ishki aýdıt qyzmetiniń jumys tártibin, ishki aýdıt qyzmeti qyzmetkerlerine eńbekaqy jáne syılyqaqy tóleýdiń mólsheri men talaptaryn aıqyndaý;
11) korporatıvtik hatshyny taǵaıyndaý, onyń ókilettik merzimin aıqyndaý, onyń ókilettigin merziminen buryn toqtatý, sondaı-aq korporatıvtik hatshynyń laýazymdyq jalaqysy mólsherin jáne syıaqy sharttaryn aıqyndaý;
12) aýdıtorlyq uıymnyń, sondaı-aq qoǵamnyń aksııalaryn tóleýge berilgen ne iri mámile nysanasy bolyp tabylatyn múliktiń naryqtyq qunyn baǵalaý jónindegi baǵalaýshynyń qyzmetine aqy tóleý mólsherin aıqyndaý;
13) qoǵamnyń ishki qyzmetin retteıtin qujattardy (buǵan qoǵam qyzmetin uıymdastyrý maqsatynda atqarýshy organ qabyldaıtyn qujattar qosylmaıdy), onyń ishinde aýksıondar ótkizý jáne qoǵamnyń baǵaly qaǵazdaryna qol qoıý sharttary men tártibin belgileıtin ishki qujatty bekitý;
14) qoǵamnyń fılıaldary men ókildikterin qurý jáne jabý týraly sheshimder qabyldaý jáne olar týraly erejelerdi bekitý;
15) qoǵamnyń basqa zańdy tulǵalardyń aksııalarynyń on jáne odan da kóp paıyzyn (jarǵylyq kapıtalǵa qatysý úlesterin) satyp alý (ıeliginen shyǵarý) týraly sheshimderin qabyldaý;
16) aksııalarynyń (jarǵylyq kapıtaldaǵy qatysý úlesiniń) on jáne odan paıyzy qoǵamǵa tıesili zańdy tulǵa aksıonerleriniń (qatysýshylarynyń) jalpy jınalysynyń quzyretine jatqyzylatyn qyzmet máseleleri boıynsha sheshimder qabyldaý;
17) qoǵamnyń mindettemelerin onyń ózindik kapıtaly mólsheriniń on jáne odan da kóp paıyzy bolatyn shamaǵa kóbeıtý;
18) qoǵam nemese onyń qyzmettik, kommersııalyq nemese zańmen qorǵalatyn ózge de qupııa bolyp tabylatyn qyzmeti týraly aqparatty aıqyndaý;
19) iri mámileler jáne jasalýyna qoǵam múddeli mámileler jasasý týraly sheshimder qabyldaý;
20) Zańda jáne qoǵamnyń jarǵysynda kózdelgen, aksıonerlerdiń jalpy jınalysynyń aıryqsha quzyretine jatpaıtyn ózge de máseleler.
Tizbesi osy jarǵynyń 20-tarmaqshasynda belgilengen máselelerdi atqarýshy organnyń sheshýine berýge bolmaıdy.
7. Atqarýshy organnyń quzyreti
21. Aǵymdaǵy qyzmetke basshylyqty atqarýshy organ - basqarma nemese atqarýshy organnyń qyzmetin atqarýshy jeke-dara tulǵa júzege asyrady.
Atqarýshy organ qoǵamnyń Qazaqstan Respýblıkasynyń Zańymen ózge de zań aktilerinde jáne qoǵamnyń jarǵysynda qoǵamnyń basqa organdary men laýazymdy adamdarynyń quzyretine jatqyzylmaǵan kez kelgen máselesi boıynsha sheshim qabyldaýǵa quqyly.
22. Atqarýshy organnyń basshysy:
1) aksıonerlerdiń jalpy jınalysy men dırektorlar keńesi sheshimderiniń oryndalýyn uıymdastyrady;
2) úshinshi tulǵalarmen qatynastarda qoǵam atynan senimhatsyz áreket etedi;
3) úshinshi tulǵalarmen qatynastarda qoǵam atynan ókildik etý quqyǵyna senimhat beredi;
4) qoǵam qyzmetkerlerin (Zańda belgilengen jaǵdaılardy qospaǵanda) qabyldaýdy, aýystyrýdy jáne jumystan bosatýdy júzege asyrady, olarǵa kótermeleý sharalaryn qoldanady jáne tártiptik jazalar qoldanady, qoǵamnyń shtat kestesine sáıkes qoǵam qyzmetkerleriniń laýazymdyq jalaqylarynyń jáne jalaqylaryna derbes ústemeaqylardyń mólsherin belgileıdi, atqarýshy organ men qoǵamnyń ishki aýdıt qyzmetiniń quramyna kiretin qyzmetkerlerdi qospaǵanda, qoǵam qyzmetkerlerine beriletin syılyqaqy mólsherin aıqyndaıdy;
5) ózi bolmaǵan jaǵdaıda óz mindetterin atqarýdy atqarýshy organ músheleriniń birine júkteıdi;
6) atqarýshy organ músheleriniń arasynda mindetterdi, sondaı-aq ókilettik salasyn jáne jaýapkershilikti bóledi;
7) qoǵam jarǵysynda jáne qoǵam aksıonerleriniń jalpy jınalysy men dırektorlar keńesiniń sheshimderinde belgilengen ózge de fýnksııalardy júzege asyrady.
8. Qoǵam organdarynyń qyzmetin uıymdastyrý tártibi
23. Aksıonerlerdiń jalpy jyldyq jınalysyn dırektorlar keńesi shaqyrady.
24. Aksıonerlerdiń kezekten tys jalpy jınalysy:
1) dırektorlar keńesiniń;
2) iri aksıonerdiń bastamasy boıynsha shaqyrylady.
Erikti túrde taratylý prosesindegi qoǵam aksıonerleriniń kezekten tys jalpy jınalysyn qoǵamnyń taratý komıssııasy shaqyrýy, ázirleýi jáne ótkizýi múmkin.
Qazaqstan Respýblıkasynyń zań aktilerinde aksıonerlerdiń kezekten tys jalpy jınalysy mindetti túrde shaqyrylatyn jaǵdaılar kózdelýi múmkin.
25. Aksıonerlerdiń jalpy jınalysyn ázirleý men ótkizýdi:
1) atqarýshy organ;
2) onymen jasalǵan shartqa sáıkes qoǵamnyń tirkeýshisi;
3) dırektorlar keńesi;
4) qoǵamnyń taratý komıssııasy júzege asyrady.
Zańda belgilengen jaǵdaılardy qospaǵanda, aksıonerlerdiń jalpy jınalysyn shaqyrý, ázirleý jáne ótkizý jónindegi shyǵyndardy qoǵam kóteredi.
26. Qoǵamnyń organdary aksıonerlerdiń jyldyq jalpy jınalysyn shaqyrýdyń osy Zańda belgilengen tártibin buzǵan jaǵdaıda, aksıonerlerdiń jyldyq jalpy jınalysy kez kelgen múddeli tulǵanyń talap-aryzy boıynsha qabyldanǵan sot sheshimi negizinde shaqyrylýy jáne ótkizilýi múmkin. Eger qoǵam organdary aksıonerlerdiń kezekten tys jalpy jınalysyn ótkizý týraly qoǵamnyń iri aksıoneriniń talabyn oryndamasa, qoǵam aksıonerleriniń kezekten tys jalpy jınalysy onyń talap-aryzy boıynsha qabyldanǵan sot sheshiminiń negizinde shaqyrylýy jáne ótkizilýi múmkin.
27. Aksıonerlerdiń jalpy jınalysynyń daýys berý qorytyndylary ____________________________________________________________________,
(ótinishte kórsetiledi)
úákiletti organnyń (baǵaly qaǵazdar naryǵynda retteýdi jáne baqylaýdy júzege asyrýshy memlekettik organ) normatıvtik quqyqtyq aktilerinde belgilengen talaptarǵa saı buqaralyq aqparat quraldarynda jarııalanady.
28. Zańda jáne (nemese) qoǵamnyń jarǵysynda aksıonerlerdiń jalpy jınalysynyń aıryqsha quzyretine jatqyzylǵan máselelerdi qospaǵanda, dırektorlar keńesi qoǵamnyń qyzmetine jalpy basshylyqty júzege asyrady.
29. Dırektorlar keńesi qoǵamnyń jarǵysymen atqarýshy organnyń quzyretine berilgen máseleler boıynsha, sondaı-aq aksıonerlerdiń jalpy jınalysynyń sheshimine qaıshy keletin sheshimder qabyldaýǵa quqyly emes.
30. Dırektorlar keńesi qabyldaıtyn sheshim veto quqyǵy belgilengen máseleler jónindegi «altyn aksııa» ıesimen kelisilýge tıis.
31. Qoǵamnyń dırektorlar keńesi árqaısysy daýys berý kezinde bir daýysqa ıe ____ (ótinishte kórsetiledi) dırektorlar keńesiniń múshesinen jáne onyń dırektorynan turady. Dırektorlar keńesiniń________músheleri táýelsiz dırektorlar bolyp tabylady (ótinishte kórsetiledi).
32. Dırektorlar keńesin ótkizý úshin kvorým dırektorlar keńesiniń jalpy sanynyń jartysynan kem bolmaýy bolýy tıis.
Daýystar teń bolǵan jaǵdaıda, dırektorlar keńesiniń tóraǵasynyń nemese dırektorlar keńesiniń jıylysyna tóraǵalyq etýshi tulǵanyń daýysy sheshýshi bolyp tabylady.
33. Dırektorlar keńesi dırektorlar keńesiniń músheleri ǵana qatysa alatyn ózderiniń jabyq jıylysyn shaqyrý týraly sheshim qabyldaýǵa quqyly.
34. Dırektorlar keńesiniń qaraýyna shyǵarylǵan suraqtar boıynsha dırektorlar keńesiniń sheshimi syrttaı qabyldanýy múmkin.
35. Aǵymdaǵy qyzmetke basshylyqty atqarýshy organ - basqarma nemese atqarýshy organnyń fýnksııalaryn iske asyratyn tulǵa jeke-dara júzege asyrady.
Atqarýshy organ qoǵam qyzmetiniń Zańda, Qazaqstan Respýblıkasynyń ózge de zań aktilerinde jáne qoǵamnyń jarǵysynda qoǵamnyń basqa organdary men laýazymdy adamdarynyń quzyretine jatqyzylmaǵan kez kelgen máselesi boıynsha sheshim qabyldaýǵa quqyly.
Atqarýshy organ aksıonerlerdiń jalpy jınalysy men dırektorlar keńesiniń sheshimderin oryndaýǵa mindetti.
36. Atqarýshy organnyń veto quqyǵy belgilengen máseleler jónindegi sheshimderi «altyn aksııa» ıesimen kelisilýi tıis.
37. Qoǵamnyń aksıonerleri jáne onyń aksıonerleri bolyp tabylmaıtyn qyzmetkerleri basqarma músheleri bola alady.
Basqarma ___músheden turady (ótinishte kórsetiledi).
38. Basqarma otyrysy qajettigine baılanysty shaqyrylady, alaıda jylyna keminde bir ret bolýy tıis. Sheshim basqarma músheleriniń daýystarynyń jaı kópshiligimen qabyldanady jáne hattamamen rásimdeledi. Hattamaǵa osy otyrysqa qatysqan barlyq basqarma músheleri qol qoıady.
39. Atqarýshy organnyń basshysy dırektorlar keńesi komıtetiniń tóraǵasy bola almaıdy jáne dırektorlar keńesiniń tóraǵasy bolyp saılana almaıdy.
40. Qoǵamnyń qarjy-sharýashylyq qyzmetine baqylaýdy júzege asyrý úshin ishki aýdıt qyzmeti qurylýy múmkin. Ol qurylǵan jaǵdaıda, ishki aýdıt qyzmeti ___ músheden turady (ótinishte kórsetiledi).
Ishki aýdıt qyzmetiniń qyzmetkerleri dırektorlar keńesiniń jáne atqarýshy organnyń quramyna saılana almaıdy.
41. Ishki aýdıt qyzmeti tikeleı dırektorlar keńesine baǵynady jáne onyń aldynda óz jumysy týraly esep beredi.
9. Qoǵamnyń aksıonerleriniń jáne laýazymdy tulǵalarynyń olardyń
affılıırlengen tulǵalary týraly aqparatty usyný tártibi
42. Qoǵam óziniń affılıırlengen tulǵalaryn týraly esepti osy tulǵalar nemese qoǵamnyń tirkeýshisi beretin málimetter negizinde (ýákiletti organ belgilegen tártippen iri aksıoner bolyp tabylatyn tulǵalarǵa qatysty ǵana) júrgizedi.
43. Qoǵamnyń affılıırlengen tulǵalary týraly málimetter qyzmettik, kommersııalyq nemese zańmen qorǵalatyn ózge de qupııany quraıtyn aqparat bolyp tabylmaıdy. Qoǵamnyń affılıırlengen tulǵalary bolyp tabylatyn jeke jáne zańdy tulǵalar affılıırlený týyndaǵan kúnnen bastap jeti kún ishinde óziniń affılıırlengen tulǵalary týraly málimetti qoǵamǵa tabys etýge mindetti.
44. Qoǵam óziniń affılıırlengen tulǵalarynyń tizimin ýákiletti organǵa ol belgilegen tártippen tabys etýge mindetti.
10. Qoǵamnyń aqparat berý tártibi
45. Qoǵam Zańǵa jáne osy Jarǵyǵa sáıkes óz qyzmeti týraly, qoǵam aksıonerleriniń múddelerin qozǵaıtyn aqparatty óziniń aksıonerleriniń nazaryna jetkizedi.
Aksıonerlik qoǵam jáne onyń aksıonerleri óziniń habarlaryn jáne Qazaqstan Respýblıkasynyń zańnamalyq aktilerine sáıkes mindetti túrde jarııalaıtyn basqa aqparatty jarııalaý úshin paıdalanýy tıis buqaralyq aqparat quraldary __________ (ótinishte kórsetiledi).
46. Aksıonerdiń talap etýi boıynsha qoǵam aksıonerge Zańda kózdelgen qujattardyń kóshirmelerin berýge mindetti.
47. Aksıoner aqparat alý maqsatynda qoǵamnyń atqarýshy organyna jazbasha nysanda ótinish jasaıdy. Aksıonerdiń ótinishi qoǵamnyń kiris qujattaryn esepke alý jýrnalynda tirkelýi tıis. Qoǵam aksıonerge talap etiletin aqparatty (talap etilgen qujattardyń kóshirmelerin) ótinish jasaǵan kúnnen bastap otyz kúntizbelik kún ishinde berýge mindetti.
Qujattardyń kóshirmelerin bergeni úshin tólenetin aqynyń mólsherin qoǵam belgileıdi jáne qujattardyń kóshirmelerin daıyndaý shyǵystarynyń qunynan jáne qujattardy aksıonerge jetkizýge baılanysty shyǵystardy tóleý aqysynan aspaýy tıis.
11. Qoǵamnyń múlki
48. Qoǵamnyń múlki:
1) qoǵamnyń aksııalaryn tóleýge aksıonerler bergen múlik;
2) onyń qyzmeti nátıjesinde alynǵan kirister;
3) Qazaqstan Respýblıkasynyń zańnamalarymen tyıym salynbaǵan negizder boıynsha alynǵan basqa da múlikter esebinen quralady.
12. Aksııalar, oblıgasııalar.
Baǵaly qaǵazdardy ornalastyrý
49. Qoǵam jaı aksııalar, ne jaı jáne artyqshylyqty aksııalar shyǵarýǵa quqyly. Aksııalar qujatsyz nysanda shyǵarylady.
50. Jaı aksııa daýys berýge engiziletin barlyq máselelerdi sheshken kezde aksıonerge daýys berý quqyǵymen aksıonerlerdiń jalpy jınalysyna qatysý quqyǵyn, qoǵamda taza tabys bolǵan jaǵdaıda dıvıdendter, sondaı-aq qoǵam taratylǵan jaǵdaıda Qazaqstan Respýblıkasynyń zańdarynda belgilengen tártippen onyń múlkiniń bir bóligin alý quqyǵyn beredi.
Qoǵamnyń jaı aksııalary boıynsha toqsan nemese jartyjyldyq qorytyndylary boıynsha dıvıdendter tóleý júzege asyrylady. (kereginiń astyn syz)
51. Qoǵamnyń artyqshylyqty aksııalary menshik ıelerine - aksıonerlerdiń jaı aksııalardyń menshik ıeleri - aksıonerlerine qaraǵanda qoǵamnyń jarǵysynda belgilenip, aldyn ala aıqyndalyp kepildik berilgen______(ótinishte kórsetiledi) mólsherde dıvıdendter alýǵa jáne qoǵam taratylǵan kezde osy Zańda belgilengen tártippen múliktiń bir bóligine basym quqyq beredi.
Artyqshylyqty aksııalar boıynsha dıvıdendter tóleý kezeńdiligi________ (ótinishte kórsetiledi).
52. Artyqshylyqty aksııa aksıonerge mynadaı:
1) qoǵam aksıonerleriniń jalpy jınalysy ol boıynsha sheshim artyqshylyqty aksııalardy ıelenýshi aksıonerdiń quqyǵyn shekteýi múmkin máseleni qaraıdy. Ornalastyrylǵan (satyp alynǵandaryn shegere otyryp) artyqshylyqty aksııalardyń jalpy sanynyń keminde úshten ekisi shekteý qoıýǵa daýys bergen jaǵdaıda ǵana mundaı másele boıynsha sheshim qabyldandy dep eseptelgen;
2) qoǵam aksıonerleriniń jalpy jınalysy qoǵam artyqshylyqty aksııalardy uıymdastyrylmaǵan rynokta osy Zańǵa sáıkes satyp alǵan kezde olardyń qunyn aıqyndaý ádistemesine (eger quryltaı jınalysy ádistemeni bekitpese, ony bekitý) ózgeristerdi bekitý týraly máseleni qaraǵan;
3) qoǵam aksıonerleriniń jalpy jınalysy qoǵamdy qaıta uıymdastyrý ne taratý týraly máseleni qaraǵan;
4) artyqshylyqty aksııa boıynsha dıvıdend ony tóleý úshin belgilengen merzim ótken kúnnen bastap úsh aı ishinde tolyq mólsherinde tólenbegen jaǵdaılardy qospaǵanda, artyqshylyqty aksııa aksıonerge qoǵamdy basqarýǵa qatysý quqyǵyn beredi.
53. Aksııalardy shyǵarý, ornalastyrý sharttary, sondaı-aq qoǵamnyń jaı aksııalary boıynsha dıvıdendter tóleýdiń kezeńdiligi aksııalardy shyǵarý prospektisimen belgilenedi.
54. Qoǵam aıyrbastalatyn baǵaly qaǵazdar shyǵarýǵa quqyly.
55. Qoǵam qosymsha qarajattar tartý maqsatynda Qazaqstan Respýblıkasynyń zańnamalaryna sáıkes oblıgasııalar shyǵarýǵa quqyly
Oblıgasııalardy shyǵarý, ornalastyrý sharttary, olarmen syılyq - aqy tóleý, oblıgasııalardy óteý jáne olardy taratýdan túsken qarajatty paıdalaný Qazaqstan Respýblıkasynyń zańnamalarymen jáne oblıgasııalardy shyǵarý prospektisimen belgilenedi.
13. Taza tabysty bólý. Aksııalar boıynsha dıvıdend
56. Qoǵamnyń taza tabysy (salyqtardy jáne basqa da mindetti tólemderdi tólegennen keıin) qoǵamnyń qaraýynda qalady jáne aksıonerlerdiń jalpy jınalysynyń anyqtalǵan rette, onyń ishinde dıvıdendter tóleýge bólinedi. Qalǵan bóligi qoǵamdy damytýǵa nemese aksıonerlerdiń jalpy jınalysymen kózdelgen basqa da maqsattarǵa jumsalady.
Aksıonerlerdiń jalpy jınalysy jyl qorytyndys boıynsha jaı aksııalar boıynsha dıvıdend tóleý tıimdiligi týraly sheshim qabyldaýǵa quqyly.
Artyqshylyqty aksııalar boıynsha dıvıdend tóleý úshin qoǵam organynyń sheshimi talap etilmeıdi.
Ornalastyrylmaǵan nemese qoǵamnyń ózi satyp alǵan aksııalar boıynsha, sondaı-aq eger sot nemese qoǵam aksıonerleriniń jalpy jınalysy qoǵamdy taratý týraly sheshim qabyldasa, dıvıdendter eseptelmeıdi jáne tólenbeıdi.
57. Qoǵamnyń jaı jáne artyqshylyqty aksııalary boıynsha:
1) óz kapıtalynyń teris mólsheri bolǵan jaǵdaıda nemese eger qoǵamnyń óz kapıtalynyń mólsheri onyń aksııalary boıynsha dıvıdendter esepteý nátıjesinde teris bolsa;
2) eger qoǵam Qazaqstan Respýblıkasynyń ońaltý jáne bankrottyq týraly zańnamasyna sáıkes tólem qabiletsizdigi nemese dármensizdik belgilerine saı kelse ne atalǵan belgiler qoǵamda onyń aksııalary boıynsha dıvıdendter tóleý nátıjesinde paıda bolsa, dıvıdendterdi esepke jazýǵa jol berilmeıdi.
14. Qoǵamdy qaıta qurý jáne taratý
58. Qoǵamdy qaıta uıymdastyrý jáne taratý aksıonerlerdiń jalpy jınalysynyń sheshimi boıynsha ne Qazaqstan Respýblıkasynyń zańnamalarynda kózdelgen negizder boıynsha júzege asyrylady.
59. Qoǵamdy qaıta uıymdastyrý jáne taratý Qazaqstan Respýblıkasynyń zańnamalary jáne ózgede normatıvtik quqyqtyq aktilerimen retteledi.
15. Qorytyndy erejeler
60. Qoǵam óz qyzmetinde osy jarǵyny jáne Qazaqstan Respýblıkasynyń zańnamalaryn basshylyqqa alady.
61. Zańdy tulǵanyń quqyqtyq qabilettigi ol qurylǵan sátten bastalady jáne ony taratqan sátten toqtaıdy. Qyzmet salasy boıynsha onymen aınalysýǵa ruqsat alý qajettigi bar zańdy tulǵalardyń quqyqtyq qabilettigi ondaı ruqsatty alǵan sátten bastalady, ruqsatty alyp qoıǵan, qoldanys merzimi ótken, ony Qazaqstan Respýblıkasynyń zańnamalaryna sáıkes jaramsyz dep tanylǵan sátten toqtaıdy.
Quryltaıshylardyń (jalǵyz quryltaıshynyń) qoldary
(jarǵyny quryltaı jınalysy (jalǵyz quryltaıshy) bekitken kezde) nemese ýákiletti tulǵanyń qoly
(jarǵyny aksıonerlerdiń jalpy jınalysy (jalǵyz aksıoner) bekitken kezde)
Qazaqstan Respýblıkasy Ádilet mınıstriniń 2015 jylǵy 24 aqpandaǵy
№ 106 buıryǵyna 2-qosymsha
Jaýapkershiligi shekteýli seriktestiktiń úlgilik jarǵysy
1. Jalpy erejeler
1.______________________________________________________________(ótinishte kórsetiledi)
jaýapkershiligi shekteýli seriktestigi (budan ári - seriktestik) Qazaqstan Respýblıkasynyń zańdary boıynsha zańdy tulǵa bolyp tabylady.
2. Seriktestik memlekettik tirkeýden ótken sátten bastap zańdy tulǵa quqyǵyn ıelenedi, derbes balansy, bankte shottary, óz atynan mámileler jasasýǵa, múliktik jáne jeke múliktik emes quqyqtardy ıelenýge, mindetter kóterýge, sotta talapker jáne jaýapker bolýǵa quqyly.
3. Seriktestiktiń óz ataýy jazylǵan blankileri jáne óz qyzmetin júrgizýge qajetti ózge de rekvızıtteri bolady.
4. Seriktestik óz qyzmetinde Qazaqstan Respýblıkasynyń Konstıtýsııasyn, Azamattyq kodeksin, «Jaýapkershiligi shekteýli jáne qosymsha jaýapkershiligi bar seriktestikter týraly» Zańy (budan ári - Zań), basqa da Qazaqstan Respýblıkasynyń normatıvtik quqyqtyq aktilerin jáne de osy Jarǵyny basshylyqqa alady.
5. Seriktestik basqa zańdy tulǵalarmen birlestikterge (odaqtarǵa) kirýge, sondaı-aq ózge de zańdy tulǵalardyń qatysýshysy bolýǵa quqyly.
6. Qazaqstan Respýblıkasynyń zańnamalyq aktilerinde qarastyrylǵan tártipte seriktestik ózi ornalasqan jerden tys jerlerde zańdy tulǵa bolyp tabylmaıtyn, onyń atynyn is-áreket jasaıtyn jáne seriktestiktiń tapsyrmasyna sáıkes, olar týraly Erejeniń negizinde fılıaldar (ókildikter) ashýǵa quqyly.
2. Seriktestiktiń fırmalyq ataýy, turǵan jeri jáne mekenjaıy
7.Seriktestiktiń fırmalyq ataýy:
1) memlekettik tilde:________________________________________________________________________
(ótinishte kórsetiledi)
2) orys tilinde ___________________________________________________________________________
(ótinishte kórsetiledi)
8. Seriktestiktiń ornalasqan jeri jáne mekenjaıy:________________________________________________
__________________________________________________________________________________________
(ótinishte kórsetiledi)
9. Jeke kásipkerlik sýbektisiniń mártebesi:____________________________________________________
(ótinishte kórsetiledi)
10. Negizgi qyzmet túri ________________________________________________________________________
11. Seriktestik zań aktilerimen jáne quryltaı shartymen tyıym salynbaǵan qyzmettiń kez kelgen túrin júzege asyra alady.
Seriktestik lısenzııanyń negizinde tizbesi zań aktilerinde aıqyndalatyn qyzmettiń jekelegen túrlerimen aınalysa alady.
3. Seriktestik qatysýshylarynyń tizimi
12. Seriktestikke qatysýshylardyń (seriktestikke qatysýshylarynyń tizilimin júrgizýdi tirkeýshi júzege asyratyn seriktestikterdi qospaǵanda) olardyń ataýy, ornalasqan jeri, meken-jaıy, bank rekvızıtteri (egep quryltaıshy zańdy tulǵa bolsa) nemese aty-jóni, turatyn jeri jáne jeke basyn kýálandyratyn qujattyń derekteri (egep quryltaıshy jeke tulǵa bolsa) kórsetilgen tizbesi:
_________________________________________________________________________________________
(ótinishte kórsetiledi)
4. Seriktestik qatysýshylarynyń quqyqtary men mindetteri
13.Seriktestiktiń qatysýshylary:
1) seriktestik isterin basqarýǵa qatysýǵa;
2) seriktestiktiń qyzmeti týraly aqparat alýǵa jáne onyń býhgalterlik jáne ózge de qujattamasymen tanysýǵa;
3) seriktestiktiń qyzmetinen tabys alýǵa, taza tabysty bólýge qatysýǵa;
4) seriktestik taratylǵan jaǵdaıda kredıt berýshilermen esep aıyrysqannan keıin qalǵan múliktiń bir bóliginiń qunyn nemese osy múliktiń bir bóligin zattaı alýǵa;
5) óz úlesin ıelikten shyǵarý jolymen seriktestikke qatysýdy toqtatýǵa;
6) Zańymen nemese seriktestiktiń jarǵysynda kózdelgen olardyń quqyqtaryn buzǵan seriktestik organdarynyń sheshimderine sot tártibimen daý aıtýǵa quqyly.
14. Seriktestiktiń qatysýshylary:
1) quryltaı shartynyń talaptaryn oryndaýǵa;
2) quryltaı qujattarynda kózdelgen tártipte, mólsherde jáne merzimde seriktestiktiń jarǵylyq kapıtalyna salymdar salýǵa;
3) seriktestik kommersııalyq qupııa dep jarııalaǵan málimetterdi jarııa etpeýge;
4) seriktestikke qatysýshylardyń tizilimin júrgizgen jaǵdaıda osy Jarǵynyń 13-tarmaǵynda kózdelgen málimetterdiń ózgergeni týraly atqarýshy organǵa, sondaı-aq tirkeýshige jazbasha habarlaýǵa mindetti.
15. Seriktestiktiń qatysýshylary seriktestiktiń quryltaı qujattarynda jáne Qazaqstan Respýblıkasynyń ózge de zań aktilerinde kózdelgen basqa da mindetterdi atqarýǵa múmkin.
5. Seriktestik organdaryn qurý tártibi men olardyń quzyreti
16. Seriktestiktiń organdary mynalar:
1) seriktestiktiń joǵary organy – oǵan qatysýshylardyń jalpy jınalysy (jalpy jınalys);
2) seriktestiktiń atqarýshy organy (alqaly jáne (nemese) jeke-dara) bolyp tabylady.
Seriktestiktiń qatysýshylary baıqaýshy (baıqaýshy keńesi) jáne (nemese) baqylaýshy (tekserý komıssııasyn (tekserýshini) organdar qurý týraly sheshim qabyldaı alady.
Bir qatysýshydan turatyn seriktestikte qatysýshylardyń jalpy jınalysynyń quzyretine jatatyn sheshimderdi jalǵyz qatysýshy jeke - dara qabyldaıdy jáne olar jazbasha resimdeledi.
17. Seriktestikke qatysýshylardyń jalpy jınalysynyń erekshe quzyretine:
1) seriktestiktiń jarǵylyq kapıtaly mólsherin, ornalasqan jeri men fırmalyq ataýyn ózgertýdi qosa alǵanda, onyń jarǵysyn ózgertý nemese seriktestiktiń jańa redaksııadaǵy jarǵysyn bekitý;
2) seriktestiktiń atqarýshy organyn qurý jáne onyń ókilettikterin merziminen buryn toqtatý, sondaı-aq jaýapkershiligi shekteýli seriktestikti nemese onyń múlkin senimgerlik basqarýǵa berý týraly sheshim qabyldaý jáne osylaı berýdiń sharttaryn aıqyndaý;
3) seriktestiktiń baqylaýshy keńesin jáne (nemese) tekserý komıssııasyn (tekserýshini) saılaý jáne olardyń ókilettikterin merziminen buryn toqtatý, sondaı-aq seriktestiktiń tekserý komıssııasynyń (tekserýshisiniń) esepteri men qorytyndylaryn bekitý;
4) seriktestiktiń jyldyq qarjylyq eseptemesin bekitý jáne onyń taza tabysyn bólý;
5) olardy bekitý seriktestiktiń jarǵysynda seriktestiktiń ózge organdarynyń quzyretine jatqyzylǵan qujattardan basqa; seriktestiktiń ishki qyzmetin retteıtin ishki erejelerdi, olardy qabyldaý rásimin jáne basqa da qujattardy bekitý;
6) seriktestiktiń ózge sharýashylyq seriktestikterge, sondaı-aq kommersııalyq emes uıymdarǵa qatysýy týraly sheshim shyǵarý;
7) seriktestikti qaıta uıymdastyrý nemese taratý týraly sheshim shyǵarý;
8) taratý komıssııasyn taǵaıyndaý jáne taratý balanstaryn bekitý;
9) seriktestikke qatysýshydan úlesti májbúrlep satyp alý týraly sheshim shyǵarý;
10) seriktestiktiń búkil múlkin kepilge berý týraly sheshim shyǵarý;
11) seriktestik múlkine qosymsha jarnalaryn engizý týraly sheshim shyǵarý;
12) seriktestikke qatysýshylarǵa jáne úlesterdi satyp alýshylarǵa seriktestiktiń qyzmeti týraly aqparatty usyný tártibin jáne merzimderin bekitý jatady.
Osy tarmaqtyń 1), 7), 9) jáne 10) tarmaqshalarynda kórsetilgen máseleler boıynsha, sondaı-aq seriktestik jarǵysynda belgilengen basqa da máseleler boıynsha sheshimder, seriktestikke qatysýshylardyń jınalysqa qatysyp otyrǵandary men oǵan ókildik alǵandar daýysynyń tórtten úsh basym kópshilik daýsymen qabyldanady.
Osy tarmaqtyń 9) tarmaqshasy boıynsha sheshim qabyldanǵan kezde úlesi májbúrleý tártibimen satyp alynatyn qatysýshy daýys berýge qatyspaıdy jáne oǵan tıesili daýys sany esepteý kezinde eskerilmeıdi.
Qalǵan sheshimder seriktestikke qatysýshylardyń jalpy