Aýylda bári, aýylda,
Aǵaıyn, týys, baýyr da.
Tózimi berik jurt sonda,
Keýdesin tosqan daýylǵa.
Túrilgen erte túńligi,
Qońyrqaı sharýa tirligi.
Atajurt, arda erlerdiń,
Kesilgen munda kindigi.
Qaısarlyq tunǵan qanynda,
Tektilik soqqan tamyrda.
Aýyldy qoldap, daýys ber,
Qarasha jurtym, qaýymǵa.
Aýylda týǵan namysty er,
Prezıdent, ǵalym, ǵaryshker.
Sharýanyń qamyn kúıtteseń,
Aýyldy qoldap daýys ber.
Báseke, talas, naryqtar,
Naryqta baǵa sharyqtar.
Aýyldy qoldap daýys ber,
Aýyldan shyqqan alyptar!
Shańyraq, ýyq, basquryń,
Aýylda saltyń-dástúriń.
Sharýany oılap daýys ber,
Qambaǵa quıǵan astyǵyn.
Tórt túlik malyn ósirgen,
Jaz jaılaýǵa kóshirgen.
Erteńiń jarqyn bolady,
Shyqpasa aýyl esińnen.
Almaǵan ottan qazanyn,
Aýylda búgin ǵazal ún.
Qarǵa tamyr daýys ber,
Aýyldyń oılap ajaryn.
Jumyssyz, oısyz júrgenshe,
Kótersin jastar birge eńse.
Otanym kókter áýeli,
Aýylym ósip, gúldense!
Aýyldy shyn er qoldaıdy,
Aýyldy shyn er qorǵaıdy.
Aýylyń muńly bop tursa,
Otanyń nurly bolmaıdy.
Aýylda bári, aýylda,
Mal-janyń, baqsha, baýyń da.
Aýylǵa janyń ashysa,
Tezirek sheshim qabylda!
Aýylda ájeń, atashyń,
Alýǵa asyq batasyn.
Aýylǵa daýys berýmen,
Bıliktiń kóter, sapasyn!
Aıtaqyn BULǴAQOV.