ASTANA. 12 naýryz. Anglııanyń Kardıff jáne Japonııanyń Osaka ýnıversıtetteriniń ǵalymdary úshin adamnyń stvol jasýshalarynan kózdiń kóp qabatty tinderin ósirip shyǵarýdyń oraıy keldi. Bul týraly ras.kz-ke silteme jasaǵan egemen.kz tilshisi habarlady.
Tájirıbe barysynda atalǵan tinder janýarlarǵa salyp kórilgen. Nátıjesinde kózdiń aldyńǵy qabaty men qarashyǵyn qalpyna keltirýge bolatynyna kóz jetkizilgen.
Ǵalymdar budan buryn laboratorııa jaǵdaıynda kózdiń ishki tor qabyǵy men múıizgek qabyǵyn ósirip shyǵarýǵa qol jetkizgen edi. Alaıda, olar qazir odan da tereńge boılap, kózdiń ishki tor qabyǵynan, kózdiń múıizgek qabyǵynan jáne kózdiń shyryqty qabyǵynan turatyn kúrdelirek qurylymdy jasap shyǵaryp otyr.
Jasandy «kóz» zertteý sheńberinde kózdiń múıizgek qabyǵy qoldan soqyr etilgen krolıkterge salynǵan. Transplatasııa olardyń qaıtadan kórip ketýlerine jaǵdaı týǵyzǵan.
Jańalyqtyń Endrıý Kýatok bastaǵan avtorlary osy eksperımentterdiń ózi adamdar arasynda soqyr bolyp qalǵandardy jazyp jiberýge tolyq múmkindik beretinin aıtady.
Talǵat Raıymbek.
Derek: ras.kz.
Sýret: anabol.kz.