Keshe Parlament Májilisiniń Tóraǵasy Oral Muhamedjanovtyń jetekshiligimen palata bıýrosynyń kezekti otyrysy ótti. Onda Májilistiń jalpy otyrysyna shyǵarylatyn máseleler saralandy.
Bıýro otyrysynda depýtattyq korpýstyń jańa jyldaǵy zań shyǵarýshylyq qyzmetine qatysty máseleler qaraldy.
Sársenbi kúni ótetin Májilistiń jalpy otyrysynda depýtattardyń talqysyna «1997 jylǵy Iаdrolyq zalal úshin azamattyq jaýapkershilik týraly Vena konvensııasyn ratıfıkasııalaý týraly (1997 jylǵy 12 qyrkúıektegi Hattamamen engizilgen túzetýler men 1963 jylǵy 21 mamyrdaǵy Iаdrolyq zalal úshin azamattyq jaýapkershilik týraly Vena konvensııasynyń jıyntyq mátini)» zań jobasy usynylatyn boldy. Bul jóninde palatanyń Halyqaralyq ister, qorǵanys jáne qaýipsizdik komıtetiniń málimeti tyńdaldy.
«Egemen-aqparat».