Qazaqstandyqtar N.Nazarbaevtyń prezıdenttik ókilettigin uzartýdy qoldaıdy

Elbasymen birgemiz!

Tańdaý jasar tarıhı sát О́skemen qalasynda kópten beri halyqtyń kókeıinde júrgen máselege baılanysty bastamashy toptyń quramynda sóz sóıledik. Ondaǵy negizgi oı Elbasy Nur­sul­tan Nazarbaevtyń ókilettigin 2020 jylǵa deıin uzartý týraly re­ferendým ótkizýdi qoldaý bolatyn. О́z basym osynaý usynysty qol­daıtyndyǵymdy aıtqym keledi. Onyń birqatar sebepteri bar. Búkil álemdi tyǵyryqqa tiregen qarjy daǵdarysynan Elbasynyń tikeleı basshylyǵymen asa shy­ǵyn­syz shyqqanymyz jaqynda ǵana. Táýelsizdigimizdi alǵan 19 jyl­­dyń ishinde kóptegen ońdy ózgerister bolǵandyǵyn aıta ketý ke­rek. Jas elordamyz álemdik qo­ǵamdastyqtyń saıası astanasyna aınala bildi. 72 el men ha­lyq­ara­lyq bedeldi uıymdardyń bas­shy­la­ry baıyrǵy qazaq jerinde tu­raqtylyq pen damýdyń birtutas formýlasyn ázirleý úshin bas qos­ty. Vankýverden Vladı­vos­tok­qa deıingi aralyqty qamtyǵan Eý­ro­padaǵy qaýipsizdik jáne yn­ty­maq­tastyq uıymy ómirinde jańa dáýirdi bastaýǵa negiz qa­laǵan sam­mıtke qatysýshylar qol­ qoı­ǵan Astana Dek­la­ra­sııa­sy­nyń orny erekshe. Atalǵan ha­lyq­ara­lyq aı­týly sharany ótkizý ba­ry­syn­da Memleket basshysy Nur­sul­tan Nazarbaevtyń úlken saıası bedeli aıqyn kórindi. Mine, osy­dan-aq Elbasynyń tulǵasy tek eldiń ishinde ǵana emes, sonymen birge, ha­lyqaralyq qoǵamdastyq al­dynda da asqaq ekendigine kýá boldyq. О́skemen jerindegi aıtýly sha­raǵa kóptegen bedeldi adamdar qatysqandyǵyn aıta ketý lázim. Eldiń bolashaǵyn oılastyrǵan sol basqosýda mańyzdy sheshim qabyldaý ońaı bolǵan joq. О́zim Májilis depýtaty retinde óńir­ler­de jıi bolamyn, sol sapar­la­rymda saılaýshylarmen kezdesý barysynda olardyń ózderine degen seniminiń artyp kele jat­qa­nyna kóz jetkize túsemin. Qa­zaq­stan halqy ár túrli qıyn­dyqtar men synaqtardan óte otyryp, eldi órkendeý jolyna bastaıtyn birtutas kúshke uıysa bildi. Bizdiń aldymyzda naqty maqsat qoıylǵan, eń bastysy – halyq úshin bolashaqqa strategııalyq baǵyt qalaǵan Kóshbasshymyz bar. Olaı bolsa, halyq pen El­basy arasynda senim ornyqqan aıryqsha pishin qurylǵandyǵyn atap aıtqym keledi. Bul bolashaq je­tistikter men tabystardyń for­mýlasy bolmaq. Halyqqa qaratyp aıtqan só­zinde Nursultan Ábishuly bylaı dedi: «Biz Qazaqstandy kúsh biriktire otyryp tabysqa jetkizdik, endi ony birge órkendete ala­myz». Osyndaǵy «birge» degen sózdiń astarynda úlken maǵyna jatyr. Tek Elbasymen birge ǵana biz kóptegen asqaq jospar­la­ry­myzdy júzege asyra alamyz. Sonymen qatar, birlese ǵana biz aldan shyqqan barlyq qıyn­dyq­tar­dy eńseretinimizdi aıtqym keledi. Eldiń aldynda turǵan orasan mindetterdi asa halyqaralyq bedelge ıe, eldiń aıaǵynan nyq tu­rýy barysyndaǵy qıyndyqtar­da basqarǵan, memleket qurýdaǵy ora­san tájirıbe jınaqtaǵan Ult Kósh­basshysy ǵana atqara alady. Nursultan Nazarbaev elimiz­diń bolashaq damýynyń basty ıdeıalyq dem berýshisi de. Prezıdent boıynda áli halyqty jańa jetistikterge bastaıtyn kúsh-qýat jetkilikti ekendigin erekshe atap ótken jón. Olaı bolsa, saılaý ót­kizip, kóptegen qarjy men ýa­qyt­ty bosqa sarp etkennen góri sol qarjy men ýaqytty ındýs­trııa­lyq-ınnovasııalyq baǵ­dar­lama­lardyń oryndalýyna, jer­­gilikti jerlerdiń prob­lema­la­ryn sheshýge baǵyttaıyq. Saılaý ótken jaǵ­daıda kóptegen mekemeler ju­mystarynan qalyp, naý­qan­ǵa ju­mylatyny belgili jáıt. Bul óz kezeginde ekonomıkaǵa sal­qynyn tıgizeri aıtpasa da tú­si­nikti. Onyń ústine eldi bo­lashaq­qa bastaı alatyn ózge Kósh­bas­shy­ny kórip otyrǵanym joq. Osy jerde mynany aıtsam ba deımin. О́tken júzjyldyqtyń 70-shi jyldary men kóptegen kór­nek­ti azamattarmen birlese ju­mys istedim. Sol kezdegi sátter me­niń úıdegi fotoarhıvimde saq­taýly. Sonyń birinde Nursultan Ábishuly Nazarbaevpen birge tús­ken sýretim bar, men sony únemi maqtan etip júremin. 80-shi jyl­dardyń ekinshi jartysynda Kreml­de túsken sýrette sol sát beı­nelengen. Ol kezde men KSRO Joǵarǵy Keńesiniń depýtatymyn, Selınograd oblysy Qorǵaljyn aýdany Amangeldi atyndaǵy keń­sharda mehanızatormyn, al Nur­sultan Ábishuly Qazaq KSR Mınıstrler Keńesiniń Tóraǵasy edi. Sol shaqta menimen sýretke tús­ken N.Nazarbaevty Ota­nym­nyń bolashaq Prezıdenti, Qazaqstan Respýblıkasynyń Tuńǵysh Prezıdenti bolady dep kim oılaǵan. Endi, mine, Nursultan Ábish­uly­men bir komandada jumys istep ke­lemin. Tańdaý kelgen sátte me­niń oıyma halqynyń eń jaqsy degen qasıetterin boıyna jı­na­ǵan kóregen de sarabdal bas­shy­myz Nursultan Nazarbaev túsip otyr. Prezıdenttiń elge sińirgen eńbegi jyldardyń bederinde bu­dan da beter jarqyrap kórinetin bolady. Elbasynyń ókilettigin 2020 jylǵa deıin uzartý týraly referendým ótkizgen áldeqaıda tıimdi bolaryna kóz jetkizý qıyn emes. О́skemen jerinde ótken aıtýly shara barysynda oǵan qatysý­shy­lar Elbasynyń ókilettigin uzar­tý­dy biraýyzdan qoldady. Qazirgi tańda osyǵan baılanysty óńir­ler­de ju­mystar júrgizilip ja­tyr. Sonyń barysynda halyqtan qol jınalyp, ol Ortalyq saılaý ko­mıssııasyna kelip túsedi. Jan-jaqty saralaýdan ótkennen keıin baryp Memleket basshysynyń qol qoıýyna jiberiledi. Onda da El­basy referendým ótkizýge qar­sy emes pe, degen suraq týyndaýy múmkin. Eger Nursultan Ábishuly ke­lisip jatsa, onda atalǵan sha­ra­ny ótkizý jarııa etiledi. Ázirge tek soǵan daıyndyq barysy jú­rip jatyr. Keıbireýler saılaýǵa ket­ken shyǵyn re­fe­ren­dýmǵa da ketedi deýi múmkin. Men munymen kelispes edim. Saılaý ótkizý kezinde daıyndyq aılap jal­ǵasady. Oǵan qanshama adam tartylady, sonymen qatar kóp­tegen qarjy jum­salady. Odan da bizge sol qarjylardy nege eldiń damýyna jum­samasqa. Referendým ótki­zi­lýi kerek pe, joq kerek emes pe, ol ekinshi másele. Birinshi másele – Elbasy Nursultan Nazar­baevty halyqtyń qoldaýy. Eń bastysy da osy. Al qalǵany eli­mizdiń Ata Zańy negizinde júzege asyrylýǵa tıis. Osynyń barlyǵyn eksheı kelip, men barlyq qazaq­stan­dyq­tardy ózderiniń jaýapkershilikterin sezinýge shaqyramyn. Bizdiń bastamamyzdy qoldaı otyryp, durys tańdaý jasaý sizderdiń qol­daryńyzda degim keledi. Ár­bi­rińizdiń daýystaryńyz – ol halyqtyń erki bolyp tabylady. Al halyq árqashanda óziniń erkin ta­rıhtyń árbir mańyzdy sátterinde kórsete bilgen. Natalıa Gellert, Parlament Májilisiniń depýtaty. Ǵalymdar úni úndes Qazaqstan Res­pýblı­kasy­nyń Prezıdenti N.­Á.Nazar­ba­ev­tyń  qoldaýy­men qurylǵan  «Fıtohımııa» halyqaralyq ǵy­ly­mı-óndiristik holdıngi bú­gin­de otan­dyq farmasev­tı­ka­lyq óndi­ristiń kóshbasshysy retinde belgili. Quramynda hımııa, farmakologııa, bıologııa jáne farmasııa salalaryna baǵyttalǵan 14 ǵylymı-zert­teý bólimderi bar  bul uıym  birqatar mańyzdy  jo­balardy iske asyryp keledi. Barsha qazaqstandyqtar sııaq­­­ty  Elbasynyń prezıdenttik ókilettigin   búkilhalyqtyq referendým ótkizý arqyly uzar­tý týraly respýblıkalyq bas­tamashy toptyń Úndeýi  hol­­dıng ǵalymdary men ma­mandary ara­synda qyzý qoldaý tapty. Osy­ǵan oraı ótken jıynda onyń jarqyn kórinisi aıryqsha baı­qaldy. Onda óz oılaryn ortaǵa sa­lyp, pikirlerin bildirgen UǴA akademıgi, memlekettik syılyq­tyń laý­rea­ty Serǵazy Áde­ke­nov, hımııa ǵylymdarynyń dok­tory, professor Bolat Hasenov, far­masevtıkalyq zaýyttyń dı­rek­­tory Evgenıı Tolokonnıkov Elbasynyń kómek-qoldaýy ar­qa­synda ǵylymdy reformalaý boıynsha atqarylyp jatqan is-sharalardyń ulttyq ınno­va­sııa­lyq júıeniń damýyna, otandyq ǵylymnyń órken­deýi­ne, onyń ózekti máselelerin sheshýge yq­paly zor bolyp otyr­ǵandyǵyna toqtaldy. Bu­ǵan naqty mysal retinde   El­ba­synyń tikeleı  tap­­syr­ma­sy­men Qaraǵandyda far­masev­tı­kalyq keshenniń 1-shi jáne 2-shi kezegi  iske qo­sylyp, sonyń  negizinde biregeı otandyq dárilerdiń 43 túri shyǵarylýy jolǵa qoıyl­ǵan­dy­ǵy ataldy. – Súıikti Qazaqstanymyz­dyń ǵajaıyp jetistikteri El­basynyń  bastamasymen  qolǵa alynǵan baǵ­dar­lamalardyń ná­tıjesinde jú­ze­ge asýda. Al er­teńgi mindetter odan saıyn bıiktigin bilemiz.  Ony at­qa­rýǵa halyqtyń kúsh-qabiletin  ju­­myldyrý tek Tuńǵysh Pre­zı­den­ti­mizdiń qolynan keledi. Son­dyqtan álem tanyǵan Kósh­bas­shymyzdyń eli­miz mereıin ósirý jolyndaǵy basty maq­satyn oryndaı túsýine  múm­kindik berilýin qoldaımyz,–degen QR Ulttyq jaratylystaný ǵy­lym­dary akademııasynyń kor­­res­pondent-múshesi, hımııa ǵy­lym­da­ry­nyń doktory Gaıane Ataja­no­va­nyń júrekjardy sózin hımııa ǵylymdarynyń dok­­torlary Aıbek  Tur­­mu­ham­betov, Borash Tóleýov qostap,  ǵy­lym salasyndaǵy qyz­met­ker­lerdi memleket tarapynan áleýmettik qorǵaýǵa erekshe kóńil bólinýine, memlekettik stıpendııalar taǵaıyndalyp, ataýly syı­lyq­tar deńgeıi kó­terilýine rızalyq bildirdi. Aıqyn NESIPBAI, Qaraǵandy. Baqytymyzdy baǵalaı bileıik Seksenniń seńgirine kóteril­gen zamandastarym! Búgingi Prezıdentimiz – Nursultan Nazar­baevtyń dara danalyǵyn, keremet kemeńgerligin, bilgir basta­ma­shyldyǵyn, jańashyl jasam­paz­dyǵyn, kóripkel kóregendigin, abzal adamgershiligin, asqan aza­mattyǵyn, qaıyrymdy qamqor­shyldyǵyn, ulan-ǵaıyr iskerligin, saıypqyran saıasatkerligin, bo­lashaqty boljaǵyshtyǵyn, suń­­­ǵyla strategtigin, maıtalman mámilegerligin, taǵy osyndaı sanap taýysa almastyq asyl qadir-qasıetin bizderden artyq biletin de, baǵalaıtyn da eshkim joq. О́ıtkeni, Nursultan Ábish­ulyn­daı, adamzat tarıhynda HH ǵasyrda dúnıege kelgen asa erek tulǵa, baqytymyzǵa oraı, bizdiń aqkóńil, qarapaıym qazaq hal­qynyń arasynan shyqty. О́zi­mizben birge jasasyp, qıyn­dy­ǵymyzdy, qyzyǵymyzdy, qýany­shymyzdy birge bólisip keledi. Nursultan Ábishuly erek jara­tylysty Adam. Ony, al­dymen qazaqqa, Qazaqstanǵa, odan qaldy kúlli Adamzatqa osylardy HH-HHI ǵasyrlarda bir jaryl­qaıyqshy dep Jaratqan Iemizdiń ózi ádeıi bergen. Qudaıtaǵalanyń ol syıyna myń da bir rahmet. Bizder, qazaqtar baǵzy zamannan Jaratqan Iemiz úlesimizge Eýrazııa qurlyǵy júreginen oıyp Qazaqstan atty qut meken berse de, onda turaqtap tura da almaı, ony durystap ıgiligimizge jarata da almaı, «usharymyzdy – jel, qonarymyzdy – saı bilgen» qańbaqtaı kóship-qonyp, baıyz tappaǵan, biraq, «jeruıyq» mekendi ańsap, armandaǵan halyq edik. Sol músápirligimizdi paı­dalanyp, bizdiń halyqtyń ataqonys mekenine qaı jurt kóz tikpedi? Qaı jurt bizdiń halyqty ezgige salmady? Sodan da erkinen aırylyp, táýelsizdikti ańsaǵan, egemen el bolýdy armandaýmen bol­ǵan halyq edik. Nursultan Ábishuly Tuńǵysh Prezıdent bolyp tarıhı arenaǵa kelip, 1991 jyly qazaǵyn ǵa­syrlar boıy ańsaǵan sol ar­manyna jetkizdi. Halqyn táýelsiz etti. Qazaqstanyn egemen el, Táýelsiz memleket jasady. Bul oraıda onyń jasaǵany aýyzben aıtyp taýyspastaı, ja­zyp jyr etip jetkizbesteı, tom-tomdyq ensıklopedııa bolarlyq shejireler. Biraq, Nursultan Ábishulynyń jasaǵanyn túıip-túıip aıtpasqa haqymyz joq. Al, olar mynalar: Jas, táýelsiz memleketin aıaǵynan qaz turǵyzý úshin shet memleketterden Prezıdent bedelimen alǵan nesıe-qaryz – Nazar­baevtyq tuńǵysh ınvestısııa! El táýelsizdigin Ata Zańmen bekitken – Nazarbaevtyq tuńǵysh Konstıtýsııa! О́zge memleketten tize búgip aqsha suramas úshin 1993 jyly basylyp shyǵarylǵan ulttyq valıýta – Nazarbaevtyq tuńǵysh aqsha! Eshkim táýelsizdigimizge kóz alartpas, shegimizge qol suqpas úshin jasaqtalǵan Nazarbaevtyq tuńǵysh Armııa! Respýblıkada dostyqty, yn­tymaqty, birlikti nyǵaıtý úshin qurylǵan álemdegi birden-bir Nazarbaevtyq Qazaqstan halqy Assambleıasy! Tarıhta alǵashqy ret shegi aıqyndalǵan Nazarbaevtyq Memlekettik shekara! Tarıhta tuńǵysh ret Eýrazııa júreginde salynǵan jańa Elorda – Nazarbaevtyq Astana! Eýroatlantıkalyq jáne Eý­razııalyq odaqty nyǵaıtqan, EQYU elderin biriktirgen, Qazaq­stannyń damyǵan ekonomıkasyn, saıası-áleýmettik jetistigin álem­ge pash etip, onyń juldyzyn jandyrǵan, ulttyq rýhymyzdy asqaqtatqan Nazarbaevtyq Asta­nalyq Sammıt! Qarııa zamandastarym, búginde álemdik jańa geosaıasattyń Kósh­basshysyna da aınalǵan Prezıdentimiz N.Nazarbaevtyń osyn­shama kúreskerligin, danalyǵyn, jasampazdyǵyn kórip otyrsa da – kórgisi kelmeıtinder, bilip otyrsa da – bilgisi kelmeıtinder bar. Olardy men óz basym, qarııalyqpen «kór­soqyrlar» dep kemsitpesem de, bólektenýshiler sanaımyn. Ústimizdegi jyldyń 23 jel­toqsanynda búgingi Prezıdentimiz, búkil adamzattyq asa erek tulǵa – Nursultan Ábishuly Nazarbaevtyń prezıdenttik óki­let­tigin 2020 jylǵa deıin uzartý jóninde Úndeý tastaǵan óske­mendik aqyldy aǵaıyndardyń patrıottyq únine olar bura­tartqysh biren-saran basylymdar betterinde qosylmaıtyn syńaı tanytty. Qanshama qazaqstandyq patrıottar Prezıdentimizdiń ókilet­tiligin uzartýdy qoldap, ony búkilhalyqtyq referendýmda da­ýys­qa salý durys dep sheship jatqanda, bólekshilder bólek­tendi. Aý, bólektengish balalarym-aý, Prezıdentimizdiń ókilettiligin uzartý – oǵan tabyný ma eken? Olaı etý onyń Prezıdenttik iskerligin, jasampazdyǵyn moıyn­daý, onyń sol qasıetin qadirleý emes pe! Al, Búkilhalyqtyq referendým ótkizý jóninde sheshim qabyldaýda ne sókettik bar? Bul – naǵyz demokratııanyń kórinisi emes pe!.. Qadirmendi qarııalar, biz jaqsy-jamandy bastan keshken adamdarmyz. Neniń jaqsy, neniń jaman ekenin jaqsy bilemiz. Bizdiń Nursultan Prezıdentten jamandyq kórgen jerimiz joq. Zeınetaqymyz táýelsizdik jylda­rynda segiz ese ósti. Áli de ósip jatyr. Páterimiz jaıly. Qurmet, qoshemetke bólenýdemiz. Endeshe, qazaqty – qazaq, Qazaqstandy – Qazaqstan etip, atymyzdy álemge aspandatyp otyrǵan Nursultan Prezıdentti biz madaqtamaı – kim madaqtaıdy! Biz qolpashtamaı – kim qol­pash­taıdy! Biz jaqtamaı – kim jaqtaıdy! Olaı bolsa, zamandastarym, biz «Bir qaryn maıdy – bir qumalaq shiritetinin» de jaqsy bilemiz. Sondyqtan alda bo­latyn Búkilhalyqtyq re­fe­ren­dým­da osy­ny da eskerip, beı­bastyqtarǵa tyıym sap, súıikti Prezıdentimiz Nursultan Ábish­ulyna búkil qazaqstandyqtardyń bir kisideı «Prezıdenttik óki­lettigi 2020 jylǵa deıin uzar­tylsyn!» dep, daýys berýlerine dáneker bolaıyq! Ábilfaıyz YDYRYSOV, jazýshy, professor. Qazaqstannyń eńbek sińirgen qaıratkeri. Elbasyna senim – erteńge senim Elbasynyń tereń parasaty men kemel saıasatynyń arqasynda, bizdiń elimiz EQYU tór­aǵalyǵy mindetin úlken abyroımen at­qa­ryp shyqty. Onyń sońynda osy uıym­nyń Sammıtin óte bıik deńgeıde ótkizip, elimizdi búkil dúnıe júzine moıyndatty. Qudaıǵa shú­kir, búginde Qazaqstanymyz jan-jaqty da­myp, jyldan-jylǵa óziniń halyqaralyq bede­lin nyǵaıtyp, keleshekke nyq senimmen qa­rap kele jatyr. Bizdiń ujymnyń keńeıtilgen kásipodaq jınalysynda Elbasynyń ókilettigin 2020 jyl­ǵa deıin uzartý jónindegi usynys toly­ǵymen maquldanyp, biraýyzdan qoldaý tapty. Jınalysta sóılegen azamattardyń bári eli­miz­de bolyp jatqan tolaǵaı tabystardy, onyń ishki jáne syrtqy saıasattaǵy, eko­no­mıkasy men áleýmettik saladaǵy jetistikterdi tikeleı Elbasymyzdyń sara saıasaty men eren eńbeginiń jemisi ekenin atap aıtty. 2008 jyly qarasha aıynda Ońtústik Qa­zaqstan oblysyna issaparmen kelgen Elbasy densaýlyq saqtaý salasyna basym baǵyttar belgilep, naqty tapsyrmalar berdi. Onyń ishinde júrek-qan tamyrlary aýrýlarynan ólim-jitim kórsetkishterin tómendetýge basty nazar aýdaryldy. Elbasynyń bergen tapsyr­malaryna saı oblys kóleminde osy salada aýyz toltyryp aıtarlyqtaı qomaqty jumystar atqaryldy. Qazirgi ýaqytta bizdiń oblysymyzda halyqqa kardıohırýrgııalyq kómek kórsetý ju­mysy damý ústinde. Oblystyq kardıo­lo­gııalyq ortalyqta Qazaqstan, Reseı, Polsha, Túrkııa, Lıtva jáne Izraıl klınıkalarynda daıyndyqtan ótken mamandar bar. Biliktilik dárejeleri joǵary. 2010 jyly bizdiń kar­dıoortalyqta 306 ashyq júrekke operasııa jasalyndy. 460 naýqastyń júrek tamyryna 555 stent qoıyldy. Mamandarymyz júrekke ja­salynatyn operasııalardyń barlyq túrin meńgergen. Jalpy aıtqanda, elimizde kardıohırýr­gııa­nyń damýy úlken jetistikterge alyp keldi. Osydan 3-4 jyl buryn júrekke koronarlyq shýnt, stent qoıý, radıojıilikti ablıasııa ope­ra­sııalaryn jasaý jáne júrektiń kamera­laryna kardıoverter-defıbrıllıatorlardy ornatý úshin naýqastardy shet elderge jiberýshi edik, al qazir, Qudaıǵa shúkir, bul opera­sııalardyń bári de ózimizdiń elde jasalynyp jatyr. Búgingi kúni kez kelgen kardıo­lo­gııa­lyq naýqas, kerekti emniń barlyq túrin ózimizdiń elde qabyldaı alady. Biz bul ná­tıjege Elbasynyń tikeleı qoldaýynyń arqasynda jettik. Elimiz táýelsizdiginiń 20 jylynda ǵasyrǵa bergisiz ǵalamat, ǵajaıyp jetistikter men jeńisterge jetýi – Elbasymyz N.Nazarbaev­tyń mańdaı teriniń nátıjeleri. Osydan 20 jyl buryn Máskeý Qazaqstandy basqarýǵa el pikirimen sanaspaı-aq kóldeneń kók attyny jibere salsa, al búginde, óz jolymyzdy ózimiz anyqtaıtyn dárejege jettik. Qa­zaqstan qazir órkendeý, órleý ústinde desek, onda el bolyp Elbasyna ózi bastaǵan Uly kóshti dittegen mejeli jerine ózi bas bop jetkizýine múmkindik berýimiz kerek. Son­dyqtan syndarly saıasat syndarynan súrin­beı ótip kele jatqan tájirıbeli tulǵaǵa el taǵdyryn ári qaraı da senimmen tapsyrýǵa bola­tyndyǵyna senimdimin. Spandııar BEKJIGITOV, oblystyq kardıologııalyq ortalyqtyń bas dárigeri, medısına ǵylymdarynyń doktory. Shymkent. 4 mıllıon 292 myń qol jınaldy Keshe О́skemende N.Nazarbaevtyń prezıdenttik ókilettigin uzartý boıynsha referendým ótkizý jónindegi respýblıkalyq bastamashy toptyń jetekshisi, Shákárim atyndaǵy Semeı memlekettik ýnı­versıtetiniń rektory Erlan Sydyqov BAQ ókilderi úshin kezekti brıfıng ótkizdi. Onyń aıtýynsha, ústimizdegi jyldyń 10 qańtaryna qarasty respýblıka boıynsha 4 mıllıon 292 myńnan astam qol jınalǵan. Bastamashy top 11 qańtarda qol jınaý jumystaryn aıaqtap, óz qujattaryn Ortalyq saılaý komıssııasyna tapsyrmaq. Osy oraıda Erlan Sydyqov Qazaqstan Respýblıkasy Parlamentiniń bastamashylyǵymen jasalynǵan Qazaqstan Respýblıkasynyń Konstıtýsııasyna ózgerister men tolyqtyrýlardy respýblıkalyq re­fe­rendýmǵa shyǵarý týraly Qazaqstan Respýblıkasy Parlamentiniń usynysyn qabyldamaý týraly Prezıdent Jarlyǵynyń bizge qatysy joq, bastamashy top respýblıkalyq referendým ótkizýge baılanysty jumystardy odan ári jalǵastyra beretin bolady dep atap kórsetti. Ońdasyn ELÝBAI. Kemel oıly kemeńger Jýyrda shyǵys óńirinde Memleket basshysy Nursultan Na­zar­baev­tyń prezıdenttik ókilettigin 2020 jyldyń sońyna deıin uzartý jóninde keleli jıyn bo­lyp ótti. Bas­tamashy top ıgi usynys kóteripti. О́tken ǵasyrdyń sońǵy shıreginde qazaq táýelsiz el atandy. Azattyq jolynda janyn azapqa sal­ǵan atalardyń rýhy oıandy. Kóginde kók baıraǵy jelbirep, tórinde óreli sóz aıtatyn ultqa aınaldy. Tórtkúl dúnıe tanydy. О́rkenıettiń órkendi jolyna tús­ti. Halqynyń qamyn oılap, eli men jerin qyzǵyshtaı qorǵap, bar aýyrtpalyqty parasat­tylyqpen kóterip kele jatqan eren tulǵa – Ult Kóshbasshysy Nur­sul­tan Nazarbaev. Bul esimdi álem aldynda maqtanysh etemiz. Ras, azattyq alǵan jyldarda el qıyndyqtyń qursaýynda bol­dy. Naryqtyq ekonomıka keldi. Aýyl abdyrap, óndiris turalap qaldy. Sol kezde eldiń birligi men berekesin ketirmeı, jańasha jol taýyp, halyqty sońynan erte bilgen Elbasynyń eńbegi eren. Mu­ny elden erek týǵan qaıratkerdiń qolynan keletin is dep bilemiz. Endi mine, el eńsesin tiktep, bo­ıyn túzedi. Ekonomıkamyz da­mýdyń dańǵyl jolyna tústi. Elimiz­de júzden astam ult berekeli ǵu­myr keship, merekeli kún keship otyr. Búginde qazaq eli dúnıeniń bar tarapynan kelgen izgi nıetti jandardy aqjarqyn dos kó­ńil­men qarsy alady. Qaı halyqpen bolsa da terezemiz teń turyp sóı­lesemiz. Bul – Nursultan Nazar­baev­tyń halqyna ápergen úlken bedeli. Ult Kóshbasshysynyń ózgeshe órip aıtar erligi – qazaqtyń bas qa­lasyn Saryarqa tórine kóshi­rip, Esildiń sol jaǵalaýynan kór­kine kóz toımas ásem shahar boı kóterdi. Bul – halyqtyń uly maq­sat­tary jolyndaǵy jasalyp jat­qan úlken jumystardyń biregeıi dep bilemiz. Memleket bas­shy­synyń elordaǵa degen yqy­la­sy erekshe. Jas Astananyń kór­kem bolǵany elimiz úshin de, Elbasy úshin de úlken abyroı. Táýelsizdiktiń 19 jylyn artqa tas­tadyq. Aldymyzda asqaraly 20 jyldyq. Osy jyldar ara­ly­ǵyn­da úlken jetistikke Ult Kósh­bas­shysynyń sarabdal saıa­sa­ty­nyń ar­qasynda qol jetkizip, baıan­dy ómi­rimizdiń bazarly sha­ǵyn dúıim dú­nıege pash etip otyrmyz. Álemdi sharpyǵan qarjy daǵ­darysy kezeńinde de El­basymyz ty­ǵyryqtan tegeýrindi shyǵa bildi. Sonyń nátıjesinde birneshe úlken jobalardyń dúnıege kelýine jáne jumys orny sanynyń artýyna jol ashyldy. Bul – ha­lyqtyń áleýmettik jaǵdaıy jaqsaryp, ónimdilik eselene tú­sedi degen sóz. Elbasynyń bedeli tórtkúl dúnıe aldynda da joǵary ekeni má­lim. Ony jaqynda Astanada ótken EQYU Sammıti kezinde de taǵy da bir moıyndatty. Sol Sammıtten keıin Prezıdent Nursultan Nazarbaevtyń aby­roıy odan ári asqaqtap, halyq aldynda jańa bir beleske kó­terildi. Eger Prezıdent saılaýy óter bolsa, El­basyna daýys berýshiler sany bu­rynǵydan da arta túseri haq. Aıta bersek, jaqsylyqqa, jańalyqqa toly tolaıym isterimiz kóp. Sondyqtan osy aýyz tol­tyryp aıtqan ıgilikti jetistikterimizge jetýge tikeleı bastamashy bolǵan Nursultan Nazarbaevtyń prezıdenttik ókilettiligin uzartý týraly búkilhalyqtyq referen­dým­dy tolyq qoldaımyn. Ońalbaı AIаShEV.