ASTANA. 13 naýryz. Italııanyń belgili brend Maserati avtokonserni Soltústik Amerıkada satylǵan 28 235 kólikti keri shaqyrdy. Bul týraly TASS aqparat agenttigine silteme jasaǵan egemen.kz tilshisi habarlady.
Shaqyrylǵan kólikter tizimine Quattroporte jáne Ghibli úlgisindegi kólikter endi. Kompanııa basshylyǵynyń aıtýynsha, júrgizýshi jaqta ornalasqan kilemshe akselerator basqyshyna tirelip, jyldamdyqtyń artýyna sebep bolady.
«Eger de kilemshe óziniń ornalasqan ornynan qozǵalyp keter bolsa, akselerator basqyshy men kovroın aralyǵyna tirelip qalýy múmkin. Osydan soń kóliktiń jyldamdyǵy artyp, jol apatynyń bolýyna, kólik ishindegilerdiń qatty jaraqat alýyna nemese oqıǵanyń qaıǵyly aıaqtalýyna sebep bolady», – deıdi kompanııa basshylyǵy.
Avtokonsern bul jumysyn osy jyldyń 29 sáýirinen bastaıdy. Shaqyrtýǵa 2013 jyldyń 1 aqpany men 2015 jyldyń 30 qarasha aralyǵynda shyqqan kólikter endi. О́ndiris orny kólik kilemshesi men akselerator basqyshyn aýystyrady. Jóndeý jumystary tegin júrgiziledi.
Aıan Ábdýálı.
Derek, sýret: TASS.