ASTANA. 13 naýryz. Túrkııanyń astanasy Ankara qalasynda jolaýshylar avtobýsy jarylyp, 27 adam qaza tapty. Sondaı-aq, 75 adam túrli deńgeıde jaraqat aldy. Bul týraly RIA «Novostı» aqparat agenttigine silteme jasaǵan egemen.kz tilshisi habarlady.
Jarylys qalanyń ortalyǵyndaǵy premer-mınıstr keńsesine jaqyn jerde ornalasqan avtobýs aıaldamasynda boldy. Jolaýshylar avtobýsy men birneshe kólik tolyǵymen janyp ketti.
Polısııa qyzmetkerleriniń boljamy boıynsha, jarylǵysh zat qoıylǵan kólik eki avtobýstyń ortasynda jarylǵan. Jergilikti tártip saqshylary oqıǵa ornyn tolyǵymen qorshaýǵa aldy. Jedel járdem qyzmetkerleri men órt sóndirýshiler jumys istep jatyr.
Aıta keteıik, alǵashynda 15 adamnyń qaza tapqany týraly aqparat taraǵan. Alaıda, olardyń sany 27 adamǵa jetkeni anyqtaldy.
Aıan Ábdýálı.
Derek, sýret: RIA «Novostı».