QARAǴANDY. 14 naýryz. Qaraǵandyda oblystyq ishki ister departamenti ákimshilik polısııa basqarmasy basshysynyń burynǵy orynbasary Erǵabyl Júkenov shartty túrde bes jylǵa bas bostandyǵynan aıyryldy. Bul týraly oblystyq sottyń baspasóz qyzmetine silteme jasaǵan egemen.kz tilshisi habarlady.
Polısııa podpolkovnıgi alaıaqtyq jasady jáne para berýge arandatty degen kúdikpen aıyptalǵan bolatyn.
Qaraǵandy oblysyndaǵy jol polısııasy qyzmetin basqarǵan eks-podpolkovnık óz qaramaǵyndaǵy 11 ınspektordy para alyp jatqan jerinde túsirilgen beıne kórinister negizinde arandatyp, olardyń árqaısynan 5 myń AQSh dollary kóleminde aqsha alǵan.
Sotta aıyptalýshy óziniń qylmysyn moınyna almady. Alaıda, Qaraǵandynyń qylmystyq ister boıynsha aýdanaralyq mamandandyrylǵan soty eks-polıseıdi kináli dep taýyp, bes jylǵa bas bostandyǵynan aıyrdy. Sondaı-aq, sot onyń múlkin tárkileýge jáne ómir boıy memlekettik laýazym atqarý quqynan aıyrýǵa úkim shyǵardy.
Qaırat Ábildınov.
Derek: Qaraǵandy oblystyq sottyń baspasóz qyzmeti.
Sýret: pokeroff.ru.