QARAǴANDY. 14 naýryz. Temirtaý qalasynda sporttyq gımnastıkamen aınalysýǵa arnalǵan mamandandyrylǵan zal saltanatty túrde ashyldy. Bul týraly oblystyq dene shynyqtyrý jáne sport basqarmasynyń baspasóz qyzmetine silteme jasaǵan egemen.kz tilshisi habarlady.
Temirtaý qalasynda 15 jyldan beri arnaıy zal bolmaǵandyqtan, gımnastıka úıirmesi jumys istemeı kelgen. Endi jańadan ashylǵan bul zalda Temirtaý men Qaraǵandynyń jattyqtyrýshylary jas gımnastardy jattyqtyratyn bolady.
Gımnastıka zalynyń ashylý saltanatyna Temirtaý qalalyq sport bóliminiń basshylary, oblystyq sporttyq gımnastıka federasııasynyń ókilderi jáne de konkımen júgirýden jasóspirimder arasyndaǵy álem chempıony Ekaterına Aıdova qatysty. Shara barysynda sporttyq gımnastıkamen aınalysyp júrgen jas jetkinshekter erkin jattyǵý men gımnasıtkalyq snarıadtarda óz ónerlerin kórsetti.
Qaırat Ábildınov.
Derek, sýret: oblystyq dene shynyqtyrý jáne sport basqarmasynyń baspasóz qyzmeti.