ASTANA. 14 naýryz. Búgin elimizdiń basym bóliginde atmosferalyq fronttardyń ótýine baılanysty keı aımaqtarda jaýyn-shashyn, taýly aımaqtarda nóser jańbyr jaýyp, burqasyn, kóktaıǵaq, tuman bolady kútilýde. Bul týraly Ishki ister mınıstrligi tótenshe jaǵdaılar komıtetiniń baspasóz qyzmetine silteme jasaǵan egemen.kz tilshisi habarlady.
Aqmola, Qaraǵandy oblystarynyń keı jerlerinde tuman, kóktaıǵaq bolady. Jeldiń kúshi sekýndyna 15-20 metrge deıin barady. Al Alakól aımaǵyndaǵy jeldiń jyldamdyǵy sekýndyna 15-20 metrge deıin barsa, ekpini 25 metrge deıin kúsheıedi dep kútilýde.
Jambyl oblysynyń keı jerlerinde tuman túsip, kóktaıǵaq bolýy múmkin. Jeldiń kúshi sekýndyna 15-20 metrge deıin barady. Ońtústik Qazaqstan oblysynda da jeldiń jyldamdyǵy 15-20 metrge deıin barady dep kútiledi. Al Qyzylorda, Mańǵystaý, Atyraý oblystarynda tuman túsýi yqtımal. Aqtóbe oblysynyń keı jerlerinde tuman, kóktaıǵaq, burqasyn bolady.
Qostanaı, Soltústik Qazaqstan, Shyǵys Qazaqstan oblystarynyń keı jerlerinde tuman, kóktaıǵaq, burqasyn bolady. Jeldiń jyldamdyǵy sekýndyna 15-22 metrge deıin barady. Pavlodar, qalasynda da kúndiz tuman, kóktaıǵaq bolady, basym bóliginde jel soǵyp, 17-22 metrge deıin barady degen boljam jasaldy.
Aıan Ábdýálı.
Derek: Ishki ister mınıstrligi tótenshe jaǵdaılar komıtetiniń baspasóz qyzmeti.
Sýret: egemen.kz.