Azıada aıshyqtary

Azıadaǵa 18 kún qaldy

Astana qalasyndaǵy «MEGA As­ta­na» saýda oıyn-saýyq ortalyǵynda Azıadanyń kishkentaı arýy men kishkentaı sultany sulýlyq baıqaýy ótti. Oǵan qatysý úshin 100 úmitkerden 25 úzdik qatysýshy iriktelip alyndy. 4 jastan 12 jasqa deıingi baıqaýdyń qa­ty­sý­shy­lary úsh aı boıy defıle negizderi men akterlik sheberlikti meńgerdi. Sahnada olar ózderiniń bı, vokaldyq múm­kin­dikterin jáne keshterge kıetin kıimderin kórsetti. Qazylar alqasy músheleriniń tańdaý qorytyndysy boıynsha 5 jasar Nuraı Sultan Azıadanyń kishkentaı arýy atansa, Azıadanyń kishkentaı sultany ata­ǵy­na 12 jasar Sultanáli Nurmanov ıe bol­dy. Al Azıadanyń balǵyn arýy nomı­na­sııa­syna 8 jasar Karına Myr­zabekova tań­dap alyndy. Baıqaýdyń jeńimpaz­da­ry­na Azıadanyń uıym­das­tyrý komı­te­tiniń, «ADIDAS», «MEGA Astana» SOO atynan kádesyılarmen «Imıdj stýdıı blagorodnyh devıs» aty­nan 600 myń teńge somanyń sertıfıkaty tabys etildi. *  *  * Taıaýda О́zbekstanda Azıadaǵa ar­nal­­ǵan «VII Qysqy Azııa oıyndary. As­tana – Almaty» atty arnaıy eki jańa poshta markasy aınalymǵa engizildi. Mánerlep syrǵanaý men frıstaılǵa arnalǵan qos markanyń birinde muzdaǵy mánerlep bıleý kórinisi beınelense, ekinshisinde frıstaıl sport túriniń úzdik beınesi salynǵan. Markalardyń oń jaqtaǵy joǵarǵy buryshynda Azıada emblemasy men «7-Qishki osiyo o`yinlari (Astana – Alma-Ata)» dep jazylǵan. *  *  * Azıada kúnderi jankúıerlerdi qosa eseptegende Astanaǵa shetelden 12 myń­nan astam qonaq keledi dep kútilýde. Olar­dy qalanyń 34 qonaq úıine ornalastyrý josparlanýda. Osyǵan baılanysty qala ákimdigi barlyq qonaq úıdi pasporttandyrýdan ótkizdi. Jankúıerlerdi ornalastyrýǵa bolatyn qosymsha meımanhanalar anyq­talyp, sport nysan­da­rynda  sport­shylar men kórermenderdi tamaq­tandyrý máse­le­si pysyqtaldy. Olarmen jumys isteý úshin myń erikti tartyldy. Jalpy, Azıadaǵa 2239 adam keledi dep josparlanýda. Onyń ishinde 836 sportshylar, jattyqtyrýshylar, tóreshiler, dárigerler men 403 resmı laýazym ıeleri jáne basqa qurmetti qonaqtar bar. Myń adam sheteldik jáne otandyq BAQ ókilderi bolady. sonymen birge ár elden kóptegen jankúıerler keledi delinýde. «Egemen-aqparat».