Strategııalyq seriktestik jalǵasady

Memlekettik hatshy Gúlshara Ábdiqalyqovanyń AQSh-qa jumys sapary jalǵasýda, dep habarlady Prezıdenttiń baspasóz qyzmeti. Memlekettik hatshy Nıý-Iork qalasynda ótip jatqan BUU Áıelder ahýaly jónindegi komıssııasynyń 60-sessııasyna qatysyp, jıynda áıelderdiń quqyqtary men múmkindikterin keńeıtý máselesi boıynsha baıandama jasaıdy dep josparlanǵan. Sapar aıasynda G.Ábdiqa­ly­qova 10-12 naýryz kúnderi Va­shıng­­tonda AQSh-tyń resmı adam­­darymen, isker jáne qoǵam­dyq toptar ókilderimen kez­desti. Memlekettik hatshy men V.Vıl­son atyndaǵy Halyq­ara­­lyq ǵylymı ortalyqtyń Ken­nan ınstıtýtynyń dırek­tory M.Rodjanskıdiń kez­desýin­de Qazaqstandaǵy áleý­met­­tik-ekonomıkalyq damý­dyń, jań­ǵyrtýlar jáne re­for­malardyń ózekti máseleleri tal­qylandy. G.Ábdiqalyqova bizdiń túpkilikti maqsatymyz beı­bitshilik pen turaqtylyqty qam­tamasyz etýmen, memlekettiń já­ne qoǵamnyń uzaq merzimdi damýymen úndesip jatqanyn atap ótti. Jahandyq áıelder máse­leleri jónindegi AQSh elshisi K.Ras­selmen kezdesýde Mem­lekettik hatshy Qazaqstan bıyl Táýelsizdiktiń 25 jyldyǵy merekelenetinin atap ótti. Shırek ǵasyr ishinde elimiz tabys­ty ekonomıka, ornyqty saıası jáne áleýmettik júıe qalyptastyrdy. Sonymen qatar, osy jyly eki el arasyndaǵy dıplomatııalyq qa­rym-qatynastardyń ornaǵanyna da 25 jyl tolyp otyr. G.Ábdi­qalyqova taraptardyń qarýsyz­daný jáne qarý taratpaýdaǵy, demo­­kratııalyq trektegi, energe­­tıkalyq, saýda-ekono­mı­ka­lyq, gýmanıtarlyq ynty­maq­tas­tyq­taǵy jáne basqa da jetekshi sala­lardaǵy strate­gııa­­lyq serik­testiktiń mańyzdy­lyǵyna toqtaldy. Memlekettik hatshy men Áıel­derdiń jahandyq sammıtiniń prezıdenti A.Natıvıdadtyń kezdesýinde elderdiń áleýmettik-ekonomıkalyq damýyndaǵy áıel­derdiń rólin kúsheıtý, mártebesin kóterý jáne olardyń sheshim qa­byl­daý úderisine qatysý belsen­diligin arttyrý máseleleri qaras­tyryldy. G.Ábdiqalyqova isker toptarmen birge jumys barysyndaǵy tús­ki as kezinde Qazaqstan men AQSh-tyń saýda-ekonomıkalyq yn­ty­maqtastyǵyn, eki eldiń isker­lik jáne ınvestısııalyq ahýa­lyn jaqsartý máselelerin talqy­lady. AQSh-qa resmı sapary aıasynda Vashıngtonda ótken kezdesýler sońynda Memlekettik hatshy Aq úıdiń, Memlekettik depar­tamenttiń, Kongress ókilderi­niń, bıznes elıtanyń, dıploma­tııalyq korpýstyń jáne AQSh-tyń qoǵamdyq toptarynyń qatysýymen ótken «Naýryz meıramy» merekelik keshine qatysty.