Ázirlik barysymen tanystyrdy

Ortalyq saılaý komıssııasynyń baspasóz ortalyǵynda Astana qalasy aýmaqtyq saılaý komıssııasynyń ókilderi jýrnalısterge saılaýǵa daıyndyq barysy týraly brıfıng ótkizdi. Astana qalalyq aýmaqtyq saılaý komıs­sııa­synyń tóraǵasy Igi­lik Jal­byrovtyń aıtýynsha, As­tana qalasy boıynsha máslıhat depýtattyǵyna bar­lyǵy 121 kandıdat tirkelgen. Olardyń 33-in saıası partııalar, 6-yn qoǵamdyq birlestikter usynǵan, al 82 kandıdat ózin ózi usynǵan. «Qalalyq saılaý komıssııasy partııalyq tizimderin usynǵan saıası partııalardyń jáne máslıhat depýtattyǵyna kan­dı­dattardyń úgit jumysyn júr­gizýge quqyǵyn qamtamasyz etý jó­nin­de sharalar qoldanýda, – dedi I.Jal­byrov. – Qalalyq saılaý komıs­s­ııasymen kelisim boıynsha qala ákiminiń sheshimi­men saıası partııalardyń úgit baspa materıaldaryn ornalastyrý úshin 31 oryn jáne máslıhat depýtattyǵyna kandıdattardyń úgittik baspa materıaldary úshin 54 oryn aıqyndalyp jab­dyqtaldy. Sondaı-aq, saıası partııalar men kandıdattardyń saılaýshylarmen kezdesýlerin ótkizý úshin sharttyq negizde usynylatyn 13 úı-jaıdyń tizimi bekitildi». Aýmaqtyq saılaý komıs­sııa­synyń basshysy atap ót­ken­deı, saılaý komıssııalary úgit materıaldarynyń zań­na­maǵa sáıkes ornalastyrylýyn baqylaýdy júzege asyrady. Saılaý aldyndaǵy úgitti júr­gizýde senim bildirilgen adamdar erek­she rólge ıe. Saıası par­tııa­­lar men máslıhattar depý­tat­ty­ǵyna kandıdattar se­nim bil­di­ril­gen adamdardy óz qa­laýy boıynsha tıisti okrýgte bir saılaý ýchaskesine 3 adamnan asyrmaı anyqtaıdy. Al As­­ta­na qalasy aýmaqtyq saılaý ko­mıs­sııasynyń hatshysy V.Pyteva: «Astana qalasynyń aýmaqtyq saılaý komıssııasy bes saıası partııanyń – «Nur Otan» partııasynyń, QKHP-nyń, «Aq jol» QDP-nyń, «Birlik» SP-nyń jáne «Aýyl» HDPP-nyń, barlyǵy 731 senim bildirilgen adamyn, al okrýgtik saılaý ko­mıs­sııalary máslıhattar depý­tatty­ǵyna kandıdattardyń 836 senim bildirilgen ókilin tirkedi», – dedi. Brıfıngte saılaý aldyndaǵy úgit úshin qarjylandyrýdyń eki túri qarastyrylǵany da atap ótil­di. «Respýblıkalyq bıýd­jet­ten As­tana qalasy máslı­hatynyń depý­tattyǵyna ár kan­dıdatqa tele­dıdarda jáne radıoda saılaýal­dy baǵdar­lamasymen shyǵý­ǵa, baspa basylymdarynda 2 ma­qala jarııalaýǵa, sondaı-aq, úgit­tik baspa materıaldaryn basyp shyǵarýǵa, saılaýshylar­men kez­desýler úshin úı-jaılardy jal­ǵa alýǵa, kóliktik shyǵystarǵa teń mólsherde 245 myń teńge kóle­­min­de qarajat bólinedi, – dedi osy jóninde I.Jalbyrov. – So­ny­men qatar, saıası partııalar men máslıhat depýtattyǵyna kandı­dat­tardyń arnaıy saılaý qor­laryn qurýǵa quqyǵy bar. Saılaý qorlary qarajatynyń shegi saılaý týraly zańmen anyqtalǵan». Aýmaqtyq saılaý komıssııa­sy ókil­deriniń habardar etýin­she, máslıhat depýtat­tyǵyna kan­­­dı­dat saılaý qory­nyń qara­ja­tyna jeke ózi ıelik etedi. Bul ret­te okrýg­tik saılaý komıssııalary bankter­men birlesip saılaý qorlary qarajatynyń jumsalýyn ba­qy­laýdy júzege asyrady jáne eki aptada bir ret saılaý qorlaryna qarajattyń túsýi jáne jumsalýy týraly habardy BAQ-ta jarııalaıdy. Álısultan QULANBAI, «Egemen Qazaqstan».