«Qazaq arýy – 2016» anyqtaldy

Respýblıka boıynsha 600-ge jýyq boıjetken qatysýǵa nıet bildirgen «Qazaq arýy – 2016» baıqaýy keshe óz máresine jetti. Elimizdiń túkpir-túk­pirinen tańdalǵan 21 boıjetken baǵyn synap, baryn saldy. Belgili prodıýser Baıan Esentaevanyń bastamasymen altynshy jyl qatarynan uıymdastyrylyp otyrǵan «Qazaq arýy» baıqaýyna kórik-kelbeti men aqyly úılesken sulý qyzdar qatys­ty. Olardyń árqaısysy sulýlyq pen tárbıeni boıyna qatar sińirip, hal­qymyzdyń asyl qundylyqtaryn ardaqtaı bilgen arýlar. Úmitkerlerdiń ishinde bireýiniń áni, bireýiniń sáni basym túsip jatty. Ońtústik óńirinen kelgen Qa­zy­na Abdrah­mannyń aǵylshyn tilin­de shyrqaǵan ásem áni kópshiliktiń kó­ńi­lin baýrap aldy. Sonymen, Aqmola, Qaraǵandy jáne Ońtústik Qazaqstan oblystarynyń namysyn qorǵap kelgen 21 úmitkerdiń ishinen aqtyq kezeńde Almıra Ahatovanyń baǵy janyp, «Qazaq arýy – 2016» ataǵyn enshiledi. О́ziniń symbatymen de, ónerimen de ózgelerden ozyq kóringen Almıraǵa «Kazyna Gold» zergerlik kompanııasy usynǵan táj tartý etildi. Parlament Senatynyń depýtaty Bir­ǵanym Áıtimova, belgili telejúr­gizý­shi Aıgúl Múkeı, otandyq opera juldyzy Maıra Muhamedqyzy, dızaıner Aıda Qaýmenova, aqyn Nesipbek Aıtuly, «Habar» telearnasynyń baǵdarlamalar óndirisi dıreksııasynyń bas prodıýseri Rınat Kertaev, Astana q­alasy mádenıet basqarmasynyń bas­tyǵy Bolat Majaǵulov, «Qazaq arýy-2014» baıqaýynyń jeńimpazy Gúlnaz Jolanova, baıqaýdyń avtory ári bas prodıýseri Baıan Esentaeva qazylyq etken bıylǵy baıqaý joǵary deńgeıde ótti desek bolady.   Raýan QAIDAR, «Egemen Qazaqstan». Sýretterdi túsirgen Erlan OMAROV.