«Qazmedıa» ortalyǵyndaǵy «Habar» telearnasynda QR Parlamenti Májilisi depýtattyǵyna partııalyq tizimin usynǵan saıası partııalar arasynda telepikirsaıys uıymdastyryldy.
Oǵan «Nur Otan» partııasy Tóraǵasynyń birinshi orynbasary Asqar Myrzahmetov, Qazaqstannyń «Aq jol» partııasynyń tóraǵasy Azat Perýashev, «Aýyl» halyqtyq-demokratııalyq partııasynyń tóraǵasy Álı Bektaev, Qazaqstannyń Kommýnıstik halyq partııasynyń qurmetti hatshysy Vladıslav Kosarev, Jalpyulttyq sosıal-demokratııalyq partııasynyń ókili Záýresh Battalova jáne «Birlik» partııasynyń múshesi Roza Qýanysheva qatysty.
Pikirsaıys 3 raýnd boıynsha ótti. Alǵashqy raýnd «Álemdik ekonomıkanyń naqtylyǵy: problemalary men perspektıvalary», ekinshi raýnd «Qazirgi jaǵdaıdaǵy ınfraqurylym, kólik, logıstıka» dep ataldy. Al úshinshi raýndta pikirsaıysqa qatysýshy partııalardyń ókilderi óz saılaýshylaryna úndeý arnady.
Álısultan QULANBAI,
«Egemen Qazaqstan».