QOSTANAI. 17 naýryz. Oblystyq ishki ister departamentiniń bastyǵy, general-maıor Tilegen Mátkenovtyń saǵattaryn urlaǵan buryn sottalǵan 26 jastaǵy azamat bolyp shyqty. Ol kinásin moıyndap, saǵattardy óziniń óńirdegi belgili qurylys fırmasynyń ıesi aǵasyna qaıtardy. Bul týraly alau.kz-ke silteme jasaǵan egemen.kz tilshisi habarlady.
Bul is osydan biraz buryn Qostanaıdy shýlatqan edi. Jergilikti aqparat quraldarynyń habarlaýynsha, ury general turǵan elıtalyq taýnhaýs úıiniń terezesinen túsip, 10 par qymbat shveısarııalyq saǵatyn alyp ketken. Urlanǵan zattar týraly aqparat jýrnalısterdiń qolyna túsken bolatyn. Onda urlanǵan saǵattardyń Audemars Piguet, Zenith, Ulysse Nardin, Bridge, Rolex, Frederique Constant, Longines sekildi brendter ekeni aıtylady. Alaıda, oblystyq ishki ister departamentiniń baspasóz qyzmeti artynsha muny teriske shyǵardy, saǵattar qymbat emes, bar-joǵy 300 myń teńgege baǵalanǵanyn aıtqan bolatyn. Departamenttegiler málimdegendeı, general qymbat úıde urlyq oqıǵasy bolǵanǵa deıin, óz páterine jóndeý jumystary aıaqtalǵansha turǵan kórinedi. Bul baspanany oǵan kásipker usynypty, urlanǵan saǵattar generaldiki emes, úıdiń ıesiniki dep shyǵardy.
Basy daýǵa qalǵan general Mátkenov jýrnalıster kúdigin seıiltý úshin óziniń saǵattaryn kórsetýge ýáde ketken bolatyn. Keıin ol oıynan aınyp qaldy, onyń saǵatyn buqaralyq aqparat quraldaryna departamenttiń qyzmetkeri kórsetti. Mine, biraz ýaqyttan keıin generaldyń saǵattaryn urlaǵan urlyq ashylǵanyn málimdep, soty bolǵaly tur. Qoldy bolǵan mıllıondaǵan teńge turatyn saǵat generalǵa tıesili me, joq pa? Osy jaǵy áli tuman sekildi seıilmeı tur. Endi sot ne der eken?
Názıra Járimbetova.
Derek, sýret: alau.kz.