Ǵalymdar oılap tapqan qurylǵy qandaǵy qant quramynyń deńgeıin ońaı, ári áp-sátte anyqtaı alady. Sondaı-aq, ınnovasııalyq joba denedegi suıyqtyqty basqarýǵa da mol múmkindik beredi. Oqymystylardyń aıtýynsha, atalǵan tetiktiń jaqsy jumys isteýi úshin naýqas jipsip, terleýi kerek.
– Bul qurylǵyny jasap shyǵarýda biz san túrli tájirıbe júrgizdik. Sonyń nátıjesinde qant dıabetimen aýyratyn naýqastyń qan quramy qurylǵy arqyly baqylanady, – dedi ońtústikkoreıalyq ǵalymdar.
Aıta keteıik, adam denesine jańa qurylǵynyń baqylaýshy tetigi ornatylady. Sol arqyly dárigerler naýqastyń kóńil-kúıin, dertpen kúresý múmkindigin bilip otyrady.
– Tájirıbe kezinde biz naýqastyń denesindegi qant quramynyń artqanyn baıqadyq. Sondyqtan, tetik arqyly qandaǵy glıýkozalardy ydyratyp, qant mólsherin tómendettik. Bul em júrgizý tásilimiz oń nátıje berdi, – deıdi ǵalymdar. Sondaı-aq, olar bul tájirıbeni eki er azamatqa júrgizip, qurylǵynyń dál jumys jasaıtynyna kóz jetkizgen.
Ońtústikkoreıalyqtardyń jetistigine sheteldik ǵalymdar qyzyǵýshylyq tanytýda. Qant dıabetimen syrqattanatyndar úshin atalǵan medısınalyq qurylǵy aldaǵy jyldary qoldanysqa enýi yqtımal. Ázirge olar bul jobany áli de jetildirýdi kózdep otyr.
Tórebek TURMANOV.