ALMATY. 25 naýryz. ÝEFA chempıondar lıgasynyń resmı demeýshisi «Gazprom» kompanııasy Germanııanyń Mıýnhen qalasynda «Fýtbol dostyq úshin» atty halyqaralyq balalarǵa arnalǵan áleýmettik jobasynyń tórtinshi maýsymy bastalǵandyǵyn málimdedi. Bul týraly kompanııanyń baspasóz qyzmetine silteme jasaǵan egemen.kz tilshisi habarlady.
Jyl saıyn jobanyń geografııalyq aýqymy keńeıýde. Bıylǵy maýsymǵa alǵash ret Afrıka jáne Ońtústik Amerıka elderinen jas fýtbolshylar qosyldy. Sondaı-aq, Azııa elderinen kelgen komandalardyń sany artýda. О́tken jylmen salystyrǵanda jarysqa qatysýshy memleketterdiń tizimi 24-ten 32 deıin artty, al jobany iske asyra bastaǵan ýaqyttan bastap ol 4 ese kóbeıdi.
Osy maýsymda Avstrııa, Ázerbaıjan, Aljır, Argentına, Armenııa, Belarýs, Belgııa, Brazılııa, Bolgarııa, Ulybrıtanııa, Vengrııa, Vetnam, Germanııa, Ispanııa, Italııa, Qazaqstan, Qyrǵyzstan, Qytaı, Nıderlandy, Polsha, Reseı, Serbııa, Sırııa, Slovakııa, Slovenııa, Túrkııa, Ýkraına, Fransııa, Horvatııa, Chehııa, Shveısarııa, Japonııa elderiniń komandalary jeńiske talasýda.
Sonymen maýsym aıasynda birneshe dástúrli is-sharalar júrgiziledi: 25 sáýirde jobanyń qatysýshy elderinde Halyqaralyq fýtbol jáne dostyq kúni atalyp ótiledi, 27 jáne 28 mamyrda Mılanda kóshe fýtboly boıynsha halyqaralyq týrnır men «Dostyq úshin fýtbol» halyqaralyq balalar forýmy uıymdastyrylady.
Forýmnyń basty sharasy – jobanyń qundylyqtaryna eń zor shynaıy berilgendigi úshin álemdik kásibı fýtbol klýbtarynyń birine «Fýtbol dostyq úshin» jobasynyń arnaıy syılyǵy – Toǵyz qundylyqtyń kýbogin berý bolyp tabylady. Forým aıaqtalǵannan keıin onyń qatysýshylary Mılandaǵy Giuseppe Meazza (San Siro) fýtbol stadıonynda ótetin ÝEFA Chempıondar Lıgasynyń fınaldyq oıynyn kóre alady.
«Dostyq úshin fýtbol» jobasy qatysýshylarynyń jáne olardyń ókildik etetin elderiniń sany jyl saıyn artyp keledi. Bul maýsymdy ǵalamdyq dep tolyq senimmen ataýǵa bolady. Jobaǵa alǵash ret Batys elderinen kelgen fýtbolshylar qatysady. «Fýtbol dostyq úshin» jobasy – túrli mádenıette tárbıelengen jasóspirimderdiń tabysýy men túsinisýi úshin úlken múmkindik», – dedi «Gazprom» basqarmasynyń tóraǵasy Alekseı Mıller.
Maýsymnyń ashylýyna oraı atalǵan jobanyń ǵalamdyq elshisi Frans Bekkenbaýer sóz sóıledi.
«Fýtbol dostyq úshin» jobasyna meniń jáne meniń dostarymnyń múmkindik alǵandyǵyna, ár túrli elderden kelgen zamandastarymmen tanysýǵa jáne shynymen mańyzdy máseleler týraly sóılese alatyndyǵyma men baqyttymyn. Men ómirdi ózgerte alatynymyzǵa jáne ony jaqsarta alatyndyǵymyzǵa senemin», – dedi Sırııadan kelgen jobanyń qatysýshysy Maher Shambo.
Aınash Esalı.
Derek, sýret: «Gazprom» kompanııasynyń baspasóz qyzmeti.