ASTANA. 25 naýryz. Parlamenti Májilisiniń tóraǵasy bolyp Baqtyqoja Izmuhambetov saılandy. Bul týraly inform.kz-ke silteme jasaǵan egemen.kz tilshisi habarlady.
Parlamenttiń jalpy otyrysynda depýtat Nurlan Ábdirov Májilis tóraǵalyǵyna Baqtyqoja Izmuhambetovti usyndy. Talqylaý barysynda depýtattar usynylǵan kandıdatty qoldap daýys berýde biraýyzdan maquldady.
Baqtyqoja Salahatdınuly Izmuhambetov – 1948 jyly Gýrev oblysy (qazirgi Atyraý oblysy), Teńiz aýdanynda týǵan. Ýfa munaı ınstıtýtyn bitirgen. Tehnıka ǵylymdarynyń doktory.
1971-1991 jyldary «Embi munaı» birlestiginiń Prorva burǵylaý kontorynda, «Qazmunaıgazbarlaý» basqarmasynda, Qazaq geologııalyq barlaý ǵylymı-zertteý munaı ınstıtýtynda, sheteldik issaparda Keńes munaı barlaý ekspedısııasynda jumys istedi.
1991-1992 jyldary Qazaqstan Respýblıkasynyń Geologııa jáne jer qoınaýyn qorǵaý mınıstrliginiń bólim bastyǵy laýazymyn atqardy.
1992-1993 jyldary Geologııa jáne jer qoınaýyn qorǵaý mınıstrliginiń Munaı jáne gaz basqarmasynyń bastyǵy bolǵan.
1993 jáne 2003 jyldar aralyǵynda – «Qazaqtúrikmunaı» birlesken kásipornynyń bas dırektory, «QazMunaıGaz» ulttyq kompanııasy jabyq aksıonerlik qoǵamynyń úlesterdi baqylaý jónindegi atqarýshy dırektory, «QazMunaıTeńiz» teńiz munaı kompanııasynyń bas dırektory, «QazMunaıGaz» ulttyq kompanııasy jabyq aksıonerlik qoǵamy birikken kásiporny úlesterdi basqarý jónindegi basqarýshy dırektory laýazymdaryn atqardy.
2003 jyldyń jeltoqsanynan 2006 jyl aralyǵynda – Energetıka jáne mıneraldyq resýrstar birinshi vıse-mınıstri. 2006-2007 jyldary – Energetıka jáne mıneraldyq resýrstar mınıstri.
2007-2012 jyldar aralyǵynda – Batys Qazaqstan oblysynyń ákimi.
2012 jyly Parlament Májilisiniń V shaqyrylymynyń depýtaty, Parlament Májilisi tóraǵasynyń orynbasary.
Aıta keteıik, buǵan deıin Baqtyqoja Izmuhambetov Atyraý oblysynyń ákimi qyzmetin atqarǵan.
Talǵat Raıymbek.
Derek: inform.kz.
Sýret: egemen.kz.