Naýryz merekesiniń qarsańynda kenshiler astanasynyń birneshe turǵyny baspanaly bolyp, baqytty sátti bastan keshti. «2020 jylǵa deıin óńirdi damytý» baǵdarlamasy aıasynda salynǵan jańa úı páterleriniń kiltin olarǵa oblys ákimi Nurmuhambet Ábdibekov saltanatty túrde tabys etti.
«Sizder úshin qýanyshty sát Qazaqstan Táýelsizdiginiń 25 jyldyǵy men Qaraǵandy oblysynyń 80 jyldyq mereıtoıy qarsańynda júzege asty. Bul eki mereıtoılyq sharany biz tek mereke-saltanatpen ǵana emes, naqty istermen, atap aıtqanda, jańa turǵyn úıler salýmen de qarsy alamyz», dedi óńir basshysy.
Kirpishten turǵyzylǵan bul úı úsh qabatty: ondaǵy 19 páterdiń 2-i bir bólmeli, 12-si eki bólmeli jáne 5-i úsh bólmeli. Jańa úıdi qaraǵandylyq «SMÝ-5» kompanııasy salǵan.
Baspanaly bolǵandardyń basym bóligi bıýdjettik uıymdarda eńbek etetin memlekettik qyzmetkerler. Sonymen qatar, baspanaly bolǵandardyń arasynda tolyq emes otbasylar da bar.
Eske salar bolsaq, tek 2015 jyldyń ózinde Qaraǵandy oblysynda «О́ńirdi 2020 jylǵa deıin damytý baǵdarlamasy» aıasynda 389 otbasy baspanamen qamtamasyz etildi. Al bıylǵy jyldyń jospary boıynsha 367 otbasy jańa páterlerge ıe bolmaq.
Qaırat ÁBILDINOV,
«Egemen Qazaqstan».
QARAǴANDY.