ASTANA. 26 naýryz. Iraktyń Ál-Iskanderııa qalasyndaǵy stadıonda jankeshti ózin ózi jaryp jiberdi. Saldarynan 30 adam qaza taýyp, 70-ke jýyq turǵyn jaralandy. Bul týraly 24.kz-ke silteme jasaǵan egemen.kz tilshisi habarlady.
Jarylys stadıondaǵy fýtboldyń aıaqtalyp, jeńimpazdarǵa júldeni tapsyrý kezinde oryn alǵan. Tártip saqshylarynyń habarlaýynsha, qaza tapqandardyń ishinde eldi meken ákimshiliginiń basshysy men jergilikti sheıittik jasaq komandıri bolǵan. Sondaı-aq, polıseıler lańkestik áreketti «Irak pen Levant» uıymy óz moınyna alǵanyn málimdedi. Aıta keteıik, Ál-Iskanderııa el astanasy Baǵdatqa jaqyn ornalasqan.
Talǵat Raıymbek.
Derek, sýret: 24.kz.