ASTANA. 27 naýryz. Brıtanııanyń áıgili The Rolling Stones rok-toby Kýbada alǵash ret konsertin ótkizdi. Bul týraly RIA «Novostı» aqparat agenttigine silteme jasaǵan egemen.kz tilshisi habarlady.
Atalǵan top jeke konsertin eldegi eń iri sport keshenderdiń biri Ciudad Deportiva-da ótkizdi. Eń qyzyǵy shara tegin ótti. The Rolling Stones-tiń 400 myńnan astam tyńdarmandary jınaldy. Áıgili rok-toby keshti 1968 jyly jazylǵan Jumping Jack Flash áninen bastady. Eki saǵat ýaqytta barlyǵy 18 ánin oryndady.
Jergilikti halyq bul keshti tarıhı kesh dep baǵalap otyr. Sebebi, osyǵan deıin Kýbada atalǵan toptyń ánderine tyıym salynǵan. Tipti, ánderi jazylǵan kúıtabaqtaryn da kirgizýge ruqsat etilmegen. Osynyń saldarynan tyńdarmandary jasyryn túrde tyńdap kelýge májbúr bolǵan.
Aıan Ábdýálı.
Derek, foto: RIA «Novostı».