ASTANA. 28 naýryz. Pákistannyń Lahor qalasynda lańkesterdiń shabýylynan qaza tapqandar sany 69 adamǵa jetti. Bul týraly TASS aqparat agenttigine silteme jasaǵan egemen.kz tilshisi habarlady.
Oqıǵa balalar saıabaǵynda boldy. Kópshilik jınalǵan jerde jankeshti ózin ózi jaryp jiberdi. Saldarynan 300-ge jýyq adam túrli deńgeıde jaraqat aldy. Polısııa qyzmetkerleri 23 balanyń mert bolǵanyn málimdedi. Dárigerler olardyń sany aldaǵy ýaqytta artýy múmkin degen boljam jasady.
Qazirgi kezde tártip saqshylary jankeshtiniń 28 jastaǵy Mýzaffargarh qalasynyń turǵyny ekenin anyqtady. Sondaı-aq, tergeý jumystary kezinde 15 kúdiktini ýaqytsha qamaýǵa aldy. Olardyń arasynda jarylys uıymdastyrǵan sodyrdyń eki týysqany bar.
Aıan Ábdýálı.
Derek: TASS.
Foto: trend.az.