QARAǴANDY. 28 naýryz. Qaraǵandyda úsh aı buryn iz-tússiz joǵalyp ketken Aıbek Mustaqaevtyń múrdesi tabyldy. Bul týraly oblystyq ishki ister departamentiniń baspasóz qyzmetine silteme jasaǵan egemen.kz tilshisi habarlady.
Qaraǵandydaǵy joǵary oqý oryndarynyń birinde oqıtyn Aıbek Mustaqaev 2016 jyldyń 3-qańtar kúni joǵalyp ketken bolatyn. Ol óziniń qalyńdyǵymen kezdesý úshin úıinen shyǵyp, sodan qaıtyp oralmaǵan. Marqumnyń múrdesin qoqys tógetin jerden bir qańǵybas taýyp alyp, polısııaǵa habarlady.
Aıbek Mustaqaevtyń týystary belgisiz bireýler ony qınap óltirgen bolýy kerek degen boljam aıtty. Qazirgi kezde polısııa qyzmetkerleri tergeý amaldaryn júrgizip jatyr.
Qaırat Ábildınov.
Derek, foto: Qaraǵandy oblysy ishki ister departamentiniń baspasóz qyzmeti.