ASTANA. 28 naýryz. Batystyń buqaralyq aqparat quraldary Sırııadaǵy kóne Palmıra qalasynyń «Islam memleketi» sodyrlarynyń qoldarynan qaıtarylýy Máskeý men Asadtyń aıtarlyı iri jeńisi ekenin moıyndap otyr. Bul týraly The Washington Post gazetiniń deregine súıengen egemen.kz tilshisi habarlady.
Palmıra qalasynyń IM terrorshylarynan azat etilýi iske Reseı aralasqannan keıin Sırııadaǵy jaǵdaıdyń qanshalyqty ózgergenin kórsetip berdi, dep jazady basylym.
Palmıranyń azat etilýi Sırııa bıligi úshin asa mańyzdy strategııalyq rol atqarady, dep atap ótti gazet. Ol IýNESKO-nyń Búkilálemdik murasy qataryna jatatyn kóne shahardyń alynýy eldiń prezıdenti Bashar Asadtyń aıtarlyqtaı jeńisi ekenine toqtalǵan. Maqalada bul jeńistiń «sodyrlarǵa aýyr soqqylar berip, Asadtyń pozısııasyn nyǵaıtqan» Reseıdiń de jeńisi ekenin aıtylady.
«Bul shaıqas Reseı iske aralasqannan keıin Asadtyń jaǵdaıy qalaı ózgergenin kezekti ret kórsetip berdi», dep qaıtalaıdy osy oıdy WP The New York Times.
Mundaı pozısııany The Guardian gazeti ustanyp otyr. Brıtanııalyq basylym sholýshylary bul rette Palmıranyń azat etilýi Damaskide de, Máskeýde de «jaýyngerlik rýhty aıtarlyqtaı kótere túsetinin» atap ótedi.
«Asad úshin Palmıranyń alynýynyń sımvoldyq ta, strategııalyq ta máni bar. Onyń áskerleri endi IM astanasy – Rakkaǵa shabýyl jasaýdyń qolaıly pozısııasyna shyqty», dep jazady nemistiń Die Zeit gazeti.
Sarapshylardyń pikirinshe, Palmıradaǵy jeńilis «Islam memleketiniń» sodyrlaryna «Sırııanyń ushy-qıyrsyz shól dalasyna egelik etýdi» joǵaltýyna alyp barady.
Talǵat Raıymbek.
Derek, foto: ras.kz.