ASTANA. 28 naýryz. Aljırdiń Malı memleketimen shekaralas aımaǵynda áskerı tikushaq apatqa ushyrap, 12 adam qaza tapty. Bul týraly RIA «Novostı» aqparat agenttigine silteme jasaǵan egemen.kz tilshisi habarlady.
«Sınhýa» agenttiginiń habarlaýynsha, eki adam aýyr jaraqat aldy.
Aljırdiń qorǵanys mınıstrliginiń habarlaýynsha, Mı-171 áskerı tikushaǵy 27 naýryz kúni Grınvıchý ýaqyty boıynsha saǵat 18:00-de Adrar provınsııasynda apatqa ushyrady. Tergeý málimetterine sáıkes, apat tehnıkalyq aqaýlardyń saldarynan bolǵan. Al «Reıter» agenttigi osyǵan deıin tikushaqtyń Tamanrasset provınsııasynda qulaǵanyn habarlaǵan bolatyn.
Aıta keteıik, Aljırde mundaı oqıǵa 2014 jyldyń aqpan aıynda da bolǵan. Ol kezde áskerı ushaq apatynan borttaǵy 77 adam qaza tapty.
Aıan Ábdýálı.
Derek: RIA «Novostı».
Foto: 163gorod.ru.