QARAǴANDY. 28 naýryz. Qaraǵandyda «Tablıǵı jamaǵat» dinı ekstremıstik uıymyn nasıhattaǵany úshin oblystyń úsh turǵyny sottaldy. Bul týraly Qaraǵandy oblystyq sottyń baspasóz qyzmetine silteme jasaǵan egemen.kz tilshisi habarlady.
Qaraǵandy qalasynyń Qazybek bı aýdandyq №1 soty Qylmystyq kodekstiń 405-baby, 1-tarmaǵy boıynsha aıyptalǵan úsh turǵynǵa qatysty úkim shyǵardy.
Qylmystyq is materıaldaryna sáıkes, sottalýshylar Qazaqstanda 2003 jyldan beri «Tablıǵı jamaǵat» dinı ekstremıstik uıymynyń is-áreketine zańmen tyıym salynǵanyn bile tura, onyń ıdeıaaryn oblys kóleminde belsendi túrde nasıhattap kelgen.
Qazybek bı aýdandynyń №1 soty atalǵan uıymnyń jergilikti topbasshysyn eki jyl alty aıǵa bas bostandyǵynan aıyrdy. Al onyń eki serigi eki jylǵa sottaldy.
Qaırat Ábildınov.
Derek: Qaraǵandy oblystyq sottyń baspasóz qyzmeti.
Foto: z-city.com.ua.