ASTANA. 29 naýryz. Sońǵy ýaqyttary Nıý-Iorkte musylmandardy ańdyp, sońdaryna tyńshy salyp qoıýdy qaıta qalpyna keltirý týrasynda taǵy áńgime qozǵalyp jatyr. Bul týraly Planet Today deregine silteme jasaǵan egemen.kz tilshisi habarlady.
AQSh prezıdenttigine úmitker Ted Krýzdyń aıtýynsha, osy «tabysty» baǵdarlama saıası soqyrlyqtan toqtap qalǵan, sonyń saldarynan qazir Nıý-Iorktiń kez kelgen jeri terrorshylar úshin taptyrmaıtyn qolaıly meken bolyp tur.
«Másele mynada, - dep atap kórsetedi osy oraıda Newsweek, - tipti saıası soqyrlyqtan bas tartqan kúnniń ózinde bul baǵdarlama áý basynan sátsiz bir qadam edi. Onyń bar maqsaty 11 qyrkúıekten keıin musylmandardy polısııanyń baqylaýynda ustaý boldy. Osy arqyly olardyń qalaı shabýyl daıyndap jatqandaryn nazarda ustalmaq boldy».
Polısııa osy maqsatqa jetý úshin kúndiz-túni meshitterde kezekshilik qurdy, musylmandar turatyn ǵımarattarǵa baqylaý kameralary ornatyldy, olardyń sóılegen sózderi jazylyp alynyp jatty. Al baǵdarlamanyń qorytyndy nátıjesi nátıjesiz bolyp shyqty. Osy tekseris boıynsha eshkimge aıyp taǵylǵan joq, eshkim qamalǵan joq, tipti olardy terrorshylarǵa alyp baratyn birde-bir túıtkil tabylmady».
Álbette, bul ýaqytta Nıý-Iorkke qaýip tóndiretin eshqandaı oqıǵa bolmady dep te aıta almaımyz, dep jazady basylym budan ári. Alaıda, musylmandardy udaıy baqylap, olardyń sońdaryna túsip otyrýdyń eshqandaı nátıje bermegeni taǵy anyq.
Sondyqtan 2011 jyly qolǵa alynǵan baǵdarlamany 2014 jyly toqtatýǵa týra keldi. Ol qyrýar aqshany jelge shashyp jibergenmen birdeı bolyp shyqty. Endi sol baǵdarlamanyń arqasynda Nıý-Iork turǵyndarynyń qaýip-qatersiz turǵandaryn aıǵaqtaıtyn naqty derek te joq.
Talǵat Raıymbek.
Derek, foto: Planet Today.