ASTANA. 5 sáýir. Búgin Astanadaǵy №56 mektep-lıseıdiń oqýshylary men oqytýshylar quramy Olımpıada chempıondarymen kezdesti. Bul týraly jýrnalıst Nazym Qaırattyń aqpary boıynsha egemen.kz tilshisi habarlady.
Olımpıada chempıondary Ermahan Ybyraıymov pen Iýrıı Melnıchenko deneshynyqtyrý sabaǵyna qatysty. Onda 9-12 jastaǵy oqýshylar alǵash ret sporttyq jattyǵýlardy Olımpıada chempıondarymen birge jasady.
Bul sabaq Astana qalasy salamatty ómir saltyn qalyptastyrý ortalyǵynyń uıymdastyrýymen «Fızkýlt-Ýra!» áleýmettik jobasynyń aıasynda ótkizildi. Sharanyń maqsaty– jańa fıtnes tehnologııalardy qoldana otyryp, óskeleń urpaqtyń boıyna salamatty ómir saltyna qalyptastyrý, sportqa degen qyzyǵýshylyǵyn arttyrý.
Osy sharaǵa qatysyp, onyń basy-aıaǵyna deıin bolǵan jas áriptesimiz Nazym Qaırattyń aıtýynsha, atalǵan shara tolyq bir oqý jylyn qamtıtyn bolady. Aldaǵy kezde mundaı sport sabaqtaryn qalanyń basqa da mektepteri uıymdastyrady. Atap aıtqanda, Olımpıada chempıondary Astananyń 5 mektebinde 25 sport sabaǵyn uıymdastyrýdy maqsat etip otyr.
«Bul shara alda kele jatqan Densaýlyq kúnine oraı josparlanǵan. Budan bólek 7 sáýir kúni "Zdorovaıa 5-mınýtka" aksııasy da ótedi. Oǵan medısınalyq jáne medısınalyq emes mekemeler qatysyp, salamatty ómir saltyn nasıhattaıtyn kúndi erekshe ótkizgisi keledi», deıdi Nazym Qaırat.
«Kezdesýde Olımpıda chempıony Ermahan Ybyraıymovpen áńgimeleskenimde, ol qazirgi tańda balalar men jasóspirimderdiń sportqa degen belsendiligi tómendep bara jatqanyn, telefondarǵa telmirip, planshetterdi jaǵalaǵan jetkinshekterdiń sportqa degen qyzyǵýshylyǵy kún sanap kemip otyrǵanyn aıtyp, osyndaı jobalardyń jıi-jıi qolǵa alynýy kerektigin eskertti. Al «Astana» prezıdenttik kásibı sporttyq klýbynyń sport menedjeri Iýrıı Melnıchenko óz kezeginde deneshynyqtyrý sabaǵynyń, onyń júıesi men ádistemesiniń óte mańyzdy ekendigin atap ótti. Sondaı-aq, ol ózge de áriptesterimen birge osy bir sharany qoldaı otyryp, arnaıy ýaqyt bólip, jınaǵan tájirıbelerimen bólisýge daıyn ekendigin málimdedi. Bul rette olarǵa «Worldclass» fıtnes-klýbynyń kómekke keletinin de jetkizdi», deıdi jas áriptesimiz.
«Igi bastamanyń bul tek basy ǵana. Densaýlyq kúnine oraı bıyl bas qalanyń barlyq emhanalary men aýrýhanalarynda bir sátte dene shynyqtyrý jattyǵýlary jasalmaq. Buǵan qosa elimizdiń barlyq óńirlerinde túrli fleshmobtar, jappaı júgirý jáne ózge de salaýatty ómir saltyn nasıhattaý aksııalary josparlanyp otyr Meniń sabaqtan bilgenim osy», deıdi Nazym Qaırat.
Dastan Kenjalın.
Derek: jýrnalıst Nazym Qaırat.
Foto: «Astana» prezıdenttik kásibı sporttyq klýby.