Júrektiń ekinshi ómiri

Osydan birneshe kún bu­ryn qazaqstandyq tórt aýyr haldegi adamǵa donorlyq or­gandaryn aýystyrý otasy jasaldy. Osy oqıǵaǵa baı­lanysty transplantolog Talǵat Haıdarov pen ob­lystyń bas nevrology Mak­sharıp Martazanov «Aqmola medıa ortalyǵynda» brıfıng ótkizdi. Jýrnalıstermen bas­qosýdyń Kókshetaýda ótki­zi­lýiniń ózindik syry bar edi. О́ıt­keni, júrek talmasyna ushyraǵan alpys jastaǵy qa­la turǵynynyń etjaqyn týys­tary transplantasııaǵa ruq­satyn bergen. Donorlyq organdardy alýǵa astanalyq dárigerler brıgadasy arnaıy kelgen. Al, tikeleı almastyrý Astana qalasyndaǵy onkologııa jáne transplantasııa ortalyǵynda júzege asyrylypty. Oblystyń bas nevrology Maksharıp Martazanov syrqat­tyń aýrýhanaǵa óte aýyr jaǵ­daıda jetkizilgenin aıtady. Ári qaraı ómir súrýi múmkin de emes eken. Áıtkenmen, ony bar kúsh-múmkindikti jumyldyryp emdegen. Tipti, mı jumysy toq­taǵan kezde de. Endi bul jú­rek­tiń ekinshi ómiri Almaty qa­lasy turǵynynyń keýdesinde jalǵasýda. Dál osyndaı jaǵdaı 2015 jyldyń qyrkúıek aıynda oryn alyp, Kókshetaý qalasy turǵynynyń júregi almastyryldy. Osyndaı sátti taǵatsyzdana tosqan qyz balaǵa ota Úndistanda jasalǵan. Baqbergen AMALBEK, «Egemen Qazaqstan». Aqmola oblysy. Sýrette: dáriger M.Martazanov.