Jarystar jańǵyryǵy

Qazaq  kúresi. Asta­nada qazaq kúresinen Elbasy Nursultan Nazarbaevtyń júl­desi úshin «Qa­zaqstan barysy» respýb­lıkalyq týrnıriniń qalalyq irikteý jarysy ótti. Saıysqa 38 balýan qatysty. Beldesýler kúni boıy ótip, keshke qaraı eki ba­lýan anyqtaldy. Fınalda Aıbat Seıten men Aıtýar Abdýlov «Qazaqstan barysy» respýblıkalyq týr­nırine joldama aldy. Endi olar birneshe jyldan beri jyl saıyn dástúrli túrde ótkizilip, halyqtyń qyzyǵýshylyǵyna bólengen týrnırge Astana qalasynyń atynan qatysatyn bolady. Shahmat. Birikken Arab Ámirlikteriniń Abý Dabı qa­la­synda Azııa kýbogy úshin komandalyq jarys ótip jatyr. Bul synǵa Qazaqstan qu­ra­masy sapynda Rı­nat Ju­mabaev, Ánýar Esma­ǵambetov, Mur­tas Qajy­ǵalıev, Rýs­tam Hýs­nýtdınov, Pıotr Kos­tenko, Dı­nara Sádýa­qa­sova, Jansaıa Áb­di­málik, Má­dına Dáýletbaeva, Gúl­mıra Dáý­letova men Shol­pan Jy­l­­qaıdarova qa­tysýda. Dúısenbi kúni Qazaqstan ko­mandasy upaı sany boıyn­sha birinshi orynda kele jat­qan О́zbekstandy 3:1 esebimen utty. Qazir týrnır kestesinde О́zbekstan, Qytaı, Vetnam, Qazaqstan, Úndistan bir-bir­leriniń ókshesin basyp kele ja­tyr. Erler jarysynda Ún­­distan, Qytaı, Mońǵolııa, Iran men Qazaqstan shahmatshylary júldeli orynǵa talasýda. Karate-do. Polshanyń Bydgosh qalasynda VII álem chem­pıonaty aıaqtaldy. Bul dodada Móldir Jańbyrbaı men Nurjan Aqpanbet álem chempıony atandy. Qazaqstan sportshylary taǵy bir jarysta elimizdiń namysyn qorǵap, Ánuranymyzdy shyrqatty. AQSh-tyń Las-Vegas qalasynda ót­ken halyqaralyq Junior Chempionship, USA Open jáne Ozawa Cup týrnırlerinde kara­teshilerimiz 3 altyn, 6 kúmis jáne 5 qola medaldi jeńip aldy. Kúres. Estonııanyń Tal­­lın qalasynda jastar ara­­synda kúres túrlerinen halyqaralyq týrnır ótti. Oǵan 20 elden 1800 sportshy qatysty. Grek-rım kúresinen Aıdos Sultanǵalı 60 kılo salmaq dárejesinde jeńimpaz atansa, 84 kıloda Baǵdat Úsenov qola medaldi ıelendi. Al, 74 kıloda Aıdos Muhan besinshi orynnan kórindi. «Egemen-aqparat».