QARAǴANDY. 6 sáýir. Qaraǵandyda alaıaq áıel 12 jasar qyz balany aldap, páterdi tonap ketken. Bul týraly Qaraǵandy oblystyq ishki ister departamentiniń baspasóz qyzmetine silteme jasaǵan egemen.kz tilshisi habarlady.
Kúdikti áıel tal túste esik qaǵyp, ózin «anańnyń tanysymyn» dep úıde jalǵyz bolǵan qyz balany aldaǵan. Páterge kirgennen keıin saqtyq sharalary qaperinde bolmaǵan oqýshy qyzdy sózge aldarqatyp otyryp, qolyna túsken baǵaly zattardy jymqyryp ketken. Qoldy bolǵan múliktiń jalpy quny 98 myń teńgeni quraıdy.
Qazirgi ýaqytta polısııa qyzmetkerleri kúdikti áıeldiń kim ekendigin anyqtaý ústinde.
Qaırat Ábildınov.
Derek: Qaraǵandy oblystyq ishki ister departamentiniń baspasóz qyzmeti.
Foto: zebra-tv.ru.