2015 jylǵy 2 maýsym, Astana qalasy
«Jalpy bilim berý uıymdarynyń (bastaýysh, negizgi orta jáne jalpy orta bilim berý) túrleri boıynsha qyzmetiniń úlgilik qaǵıdalaryn bekitý týraly»
Qazaqstan Respýblıkasy Bilim jáne ǵylym Mınıstriniń 2013 jylǵy 17 qyrkúıektegi № 375 buıryǵyna ózgerister engizý týraly
Buıyramyn:
1. «Jalpy bilim berý uıymdarynyń (bastaýysh, negizgi orta jáne jalpy orta bilim berý) túrleri boıynsha qyzmetiniń úlgilik qaǵıdalaryn bekitý týraly» Qazaqstan Respýblıkasy Bilim jáne ǵylym Mınıstriniń 2013 jylǵy 17 qyrkúıektegi №375 buıryǵyna (Normatıvtik quqyqtyq aktilerin memlekettik tirkeý tiziliminde №8827 tirkelgen, 2014 jylǵy 8 naýryzda №47 (28271) «Egemen Qazaqstan» gazetinde jarııalanǵan) mynadaı ózgerister men tolyqtyrýlar engizilsin:
kórsetilgen buıryqpen bekitilgen Oqytýdy uıymdastyrý jaǵdaıy boıynsha bilim berý uıymdary qyzmetiniń úlgilik qaǵıdalarynda:
79-tarmaq mynadaı redaksııada jazylsyn:
«79. Bilim berý uıymy oqý-tárbıe nemese emdeý-tárbıeleý mekemesi bolyp tabylady jáne:
1) ákimshilik jazalaý sharalaryna ákep soǵatyn quqyq buzýshylyqtardy júıeli túrde jasaıtyn;
2) bastaýysh, negizgi orta jáne jalpy orta bilim alýdan qasaqana jaltaratyn;
3) otbasynan jáne balalardyń oqý-tárbıe uıymdarynan únemi ketip qalatyn;
4) qylmystyq prosess boıynsha is júrgizý kezeńinde ómir súrý jáne tárbıelený jaǵdaılary boıynsha burynǵy turǵylyqty jerinde qaldyryla almaıtyn kúdikti;
5) ózge de qoǵamǵa jat is-áreketter jasaıtyn on bir jastan on segiz jasqa deıingi kámeletke tolmaǵandardy tárbıeleýdi, oqytýdy jáne áleýmettik ońaltýdy qamtamasyz etý úshin qurylady.»;
82-tarmaq mynadaı redaksııada jazylsyn:
«82. Bilim berý uıymyna kámeletke tolmaǵan sottyń sheshimi boıynsha bir aıdan bir jylǵa deıingi merzimge jiberilýi múmkin. Kámeletke tolmaǵan kúdikti ómir súrý jáne tárbıelený jaǵdaılary boıynsha burynǵy turǵylyqty jerinde qaldyryla almaıtyn jaǵdaılarda, ol qylmystyq prosesti júrgizetin organnyń qaýlysy boıynsha, qorǵanshylyq jáne qamqorshylyq organdarynyń qatysýymen qylmystyq prosess boıynsha is júrgizý kezeńinde turý úshin bilim berý uıymyna ornalastyrylýy múmkin.»;
94-tarmaq mynadaı redaksııada jazylsyn:
«94. Erekshe rejımde ustaıtyn bilim berý uıymdary oqý-tárbıe nemese emdeý-tárbıe mekemeleri bolyp tabylady jáne:
1) qylmystyq quqyqbuzýshylyqtyń belgileri bar qoǵamǵa qaýipti is-áreket jasaǵan;
2) qylmystyq jaýapkershilikten bosatylǵan;
3) qylmystyq prosess boıynsha is júrgizý kezeńinde ómir súrý jáne tárbıelený jaǵdaılary boıynsha burynǵy turǵylyqty jerinde qaldyryla almaıtyn kúdikti on bir jastan on segiz jasqa deıingi kámeletke tolmaǵandardy tárbıeleýdiń, oqytýdyń jáne áleýmettik ońaltýdyń erekshe jaǵdaılaryn qamtamasyz etý maqsatynda qurylady.»;
97-tarmaq mynadaı redaksııada jazylsyn:
«97. Erekshe rejımde ustaıtyn bilim berý uıymyna kámeletke tolmaǵandar sottyń sheshimi boıynsha alty aıdan eki jylǵa deıingi merzimge jiberiledi. Kámeletke tolmaǵan kúdikti ómir súrý jáne tárbıelený jaǵdaılary boıynsha burynǵy turǵylyqty jerinde qaldyryla almaıtyn jaǵdaılarda, ol qylmystyq prosesti júrgizetin organnyń qaýlysy boıynsha, qorǵanshylyq jáne qamqorshylyq organdarynyń qatysýymen qylmystyq prosess boıynsha is júrgizý kezeńinde turý úshin erekshe rejımde ustaıtyn bilim berý uıymyna ornalastyrylýy múmkin.».
2. Qazaqstan Respýblıkasy Bilim jáne ǵylym mınıstrligi Balalardyń quqyqtaryn qorǵaý komıteti (Z. Orazalıeva) zańnamada belgilengen tártippen: 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) osy buıryqtyń Qazaqstan Respýblıkasy Ádilet mınıstrliginde memlekettik tirkelgennen keıin resmı jarııalanýyn;
3) osy buıryqty Qazaqstan Respýblıkasy Bilim jáne ǵylym mınıstrliginiń resmı ınternet-resýrsynda ornalastyrýdy qamtamasyz etsin.
3. Osy buıryqtyń oryndalýyn baqylaý Balalardyń quqyqtaryn qorǵaý komıtetiniń tóraǵasy Z.J.Orazalıevaǵa júktelsin.
4. Osy buıryq alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.
Qazaqstan Respýblıkasynyń Bilim jáne ǵylym mınıstri A.SÁRINJIPOV.
Buıryq Qazaqstan Respýblıkasynyń Ádilet mınıstrliginde 2015 jylǵy 3 shildedegi Normatıvtik quqyqtyq kesimderdi memlekettik tirkeýdiń tizilimine №11553 bolyp engizildi.