ASTANA. 7 sáýir. Qytaıdyń ońtústik-shyǵys aımaǵynda laı kóshkininen 3 adam mert boldy. Bul týraly «Sınhýa» aqparat agenttigine silteme jasaǵan egemen.kz tilshisi habarlady.
Qutqarýshylardyń aıtýynsha, tabıǵat apatynan taǵy 3 adam iz-túzsiz joǵalyp ketken. Jergilikti basshylyq bul mańaıda ótken aptanyń sońynan beri tolassyz jańbyr jaýǵanyn málimdedi. Osynyń saldarynan 7 provınsııaǵa shyǵyn kelgen. Sondaı-aq, sońǵy málimetterge sáıkes, 240 myńnan astam turǵyn zardap shegip otyr.
Qazirgi kezde 1300-ge jýyq adamǵa áleýmettik járdem kórsetilse, taǵy 1000-nan astam turǵynǵa kómek qajet. Tosyn tabıǵat syıynan 14 myń gektar jer sý astynda qalǵan. Al aldyn ala boljam boıynsha, jalpy shyǵynnyń kólemi 23 mıllon dollardy quraıdy.
Aıan Ábdýálı.
Derek: «Sınhýa».
Foto: 24.kz.