ASTANA. 7 sáýir. Búgin fýtboldan ÝEFA Chempıondar lıgasynyń shırek fınaly odan ári jalǵasty. Bul týraly egemen.kz tilshisi habarlady.
Germanııanyń «Volfsbýrg» klýby Madrıdtiń «Real» komandasymen kezdesip, 2:0 esebimen utty. Ekinshi matchta «Parı Sen-Jermen» Anglııanyń «Manchester Sıtı» klýbymen oınap, 2:2 esebimen teń tarqasty.
«Volfsbýrg» (Volfsbýrg, Germanııa) – «Real» (Madrıd, Ispanııa) 2:0 (2:0)
Osy kúni Volfsbýrg qalasynda kishigirim sensasııa boldy. Chempıondar lıgasynyń toptyq kezeńinen alǵash ret shırek fınalǵa shyqqan alań ıeleri ataqty «Real» komandasynan aılasyn asyryp, san soqtyryp ketti. Bul matchta «qasqyrlar» qarsylastar qaqpasyna eki dop soǵyp, jeńiske jetti. Birinshi gol 18 mınýtta 11 metrlik penaltıden soǵyldy. Ony Rıkkardo Rodrıges oryndady. Ekinshi dopty 25 mınýtta Arnold soqty. Al jalpy oıyn qyzyqty da tartysty ótti. Ekinshi taımda «Real» esepti teńestirgisi keldi. Alaıda odan eshnárse shyqpady. 72 mınýtta Ronaldýdyń esepti qysqartýǵa múmkindigi bolǵan edi. Ony tıimdi paıdalana almady. Osy matchta «Realdyń» sapynda Beıl jaqsy óner kórsetti.
ÝEFA Chempıondar lıgasy 1/4 fınalyndaǵy qarsylastardyń birinshi matchtary.
6 sáýir. Volfsbýrg. «Folksvagen-Arena» stadıony.
Tóreshi: Rokkı Djanlýka (Italııa).
«Volfsbýrg»: Benalo (kapıtan), Vıeırınıa, Naldo, Dante, Rodrıges, Gılavogı, Gýstavo,
Enrıke (Tresh 80’), Arnold, Draksler (Shafer 90'), Shıýrrle (Krýze 85’).
«Real»: Navas, Danılo, Pepe, Ramos (kapıtan), Marselo, Modrıch (Isko 64’), Kasemıro,
Kroos (Rodrıges 85’), Beıl, Benzema (Hese 41’), Ronaldý.
Goldar: Rodrıges 18 (penaltı) , Arnold 25
Eskertý aldy: Vıeırınıa 19, Benalo 53, Gýstavo 61, Arnold 69’ — Beıl 69’
«Parı Sen-Jermen» – «Manchester Sıtı» 2:2 (1:1)
Bul kezdesýde jankúıerler alań ıelerinen jeńisti kútken bolatyn. Sol úshin de «Parı Sen-Jermenniń» bas jattyqtyrýshysy Manýel Pelegrını alańǵa Dı Marııa, Ibragımovıch, Kavanı sııaqty tanymal oıynshylardy shyǵardy. «Manchester Sıtı» de oıynǵa bes qarýyn asynǵan quramymen keldi. Ol bes qarýy degenimiz aǵylshyndardyń qorǵanysta, alańnyń ortasynda jáne shabýylǵa shyǵatyn úzdik bes oıynshysy.
Kezdesýde osy bes oıynshy jumylyp, «PSJ-nyń qaqpasyna birinen soń biri soqqylar jasap otyrdy. Birinshi goldy da soqqan osylar boldy. Oıynnyń 38 mınýtynda De Brıoıne alańnyń ortasynan uıymdastyrylǵan ádemi shabýyldy sońyna deıin jetkizip, esepti ashty. Odan keıin «PSJ» tez esin jıyp, arada úsh mınýt ótkennen keıin esepti teńestirdi. Bul goldy Ibragımovıch soqty.
Matchtyń ekinshi jartysy tipten qyzyq ótti. Komandalar qaýipti jaǵdaılar jasap, qorǵaýshylar men qaqpashylarynyń mazasyn aldy. Osyndaı kezde alań ıeleriniń oıynshysy Rabıo 58 mınýtta gol soǵyp, «PSJ-ny» alǵa shyǵardy. Bul esep tabloda 14 mınýttaı kórsetip turdy. 72 mınýtta ony «Manchesterdiń» jartylaı qorǵaýshysy Fernandıno ózgertti. Kezdesýde alań ıeleriniń taǵy bir gol soǵýǵa múmkindigi boldy. Alaıda Zlatan Ibragımovıch 11 metrlik penaltıdi soǵa almady.
6 sáýir. Parıj. «Park de Prens» stadıony.
Tóreshi: Majıch Mılorad.
«PSJ»: Trapp, Sılva, Ore (Van der Vıl Gregorı 78’), Lýıs, Maksvell, Matýıdı, Dı Marııa, Motta, Rabıo (Lýkas 78’), Kavanı, Ibragımovıch.
«Manchester Sıtı»: Hart, Klıshı, Otamendı, Mangala, Sanıa, De Brıoıne (Delf 77’), Navas, Fernando, Fernandıno, Sılva (Bonı 88’), Agýero (Kolarov 90’).
Goldar:Ibragımovıch 41, Rabıo 59 – De Brıoıne 38, Fernandıno 72
Eskertý aldy: Lýıs 1, Matýıdı 48’ — Klıshı 11, Fernando 36’ , Mangala 83’ , Navas 85’
Dastan Kenjalın.
Derek, foto: eurosport, euro-football.ru
Vıdeo: vkontakte áleýmettik jelisi.