ASTANA. 7 sáýir. Argentınanyń birneshe provınsııasynda tolassyz jaýǵan jańbyrdan myńdaǵan adam zardap shekti. Bul týraly RIA «Novostı» aqparat agenttigine silteme jasaǵan egemen.kz tilshisi habarlady.
Entre-Rıos, Korrentes jáne Formosa provınsııalarynyń tótenshe jaǵdaılar jónindegi federaldy basqarmasynyń málimdeýinshe, 9 myńnan astam adamnyń úıi men dúnıe-múlkine shyǵyn kelgen. Olardyń basym kópshiligi Entre-Rıos provınsııasy men La-Pas qalasynyń turǵyndary. Atalǵan aımaqtyń halqy baspanalaryn tastap ketýge májbúr bolǵan.
Telam agenttiginiń habarlaýynsha, Argentınanyń ishki ister mınıstrligi jáne ózge de vedomstvolar japa shekkender men shyǵyn kólemin anyqtaý úshin arnaıy monıtorıng júrgizýdi bastady.
Aıta keteıik, 2015 jyldyń sońyna taman tasqyn sýdyń saldarynan Ońtústik Amerıkanyń birqatar elderine aıtarlyqtaı shyǵyn kelgen. Málimetterge sáıkes, 150 myńnan astam adamǵa materıaldyq kómek kórsetildi. Tropıkalyq jańbyrdyń áserinen Paragvaı, Argentına jáne Brazılııanyń kóptegen eldi mekenderin sý shaıyp ketken bolatyn.
Aıan Ábdýálı.
Derek: RIA «Novostı».
Foto: vseneprostotak.ru.