Yqpaldastyqqa óris keń

Qazaqstan Syrtqy ister mınıstri Erlan Ydyrysov pen AQSh Energetıka mınıstri Ernest Monız kezdesti. Onda atom, munaı-gaz jáne hımııa salalaryndaǵy yntymaqtastyq máseleleri talqylandy. Taraptar, sondaı-aq, energetıka salasyndaǵy ekijaqty jáne kópjaqty yntymaqtastyq máseleleriniń keń aýqymyn sóz etti. Erekshe nazar jaqynda Vashıngton qalasynda Qazaqstan Prezıdenti Nursultan Nazarbaevtyń qatysýymen ótken Iаdrolyq qaýipsizdik sammıtinde qol jetkizilgen ýaǵdalastyqtardy iske asyrý máselelerine aýdaryldy. Syrtqy saıasat vedomstvo­synyń basshysy AQSh Energetıka mınıstrin Iran ıadrolyq baǵ­dar­lamasy sheńberindegi kelissózder úderisiniń sátti aıaqtalýymen quttyqtaı otyryp, Qazaqstan osy máselege erekshe nazar aýdara­tyndyǵyn jáne onyń óńirdegi saýda-ekonomıkalyq ahýaldy jaqsartý turǵysynan qaraǵanda, mańyzy zor bolyp tabylatynyn atap ótti. Taraptar Qazaqstan Respýb­lıkasy men Amerıka Qurama Shtat­tary arasyndaǵy energe­tıkalyq áriptestik jónindegi arnaıy ko­mıssııanyń (EÁAK) jumysyna joǵary baǵa berip, onyń odan ári damýyna senimderin bildirdi. Suhbattastardyń pikirinshe, EÁAK ıadrolyq qaýipsizdik, atom energetıkasy, kómirsýtek resýrs­tary, jańartylǵan energetıka jáne energotıimdilik, sondaı-aq, elektr energetıkasy sııaqty ba­sym baǵyttaǵy ekijaqty qaty­nastardy nyǵaıtýǵa baǵyttalǵan mańyzdy jáne sátti tetik bolyp sanalady. Jahandyq ıadrolyq qaýipsizdik rejimi men taratpaý má­seleleri de jan-jaqty talqy­landy. Amerıkalyq tarap Qa­zaq­standa AEHA-nyń Tó­men baıy­tylǵan ýran bankiniń qurylýy men Irannyń ıadrolyq baǵ­darlamasy boıynsha eki raýnd kelissózder ótkizý úderisterindegi Qazaqstannyń rólin joǵary baǵa­lady. Sonymen birge, suhbat­tastar atom, munaı-gaz jáne hımııa ónerkásibi salalaryndaǵy óza­ra tıimdi yntymaqtastyqty odan ári damytý, Qazaqstannyń Dúnıejúzilik saýda uıymyna kirýi turǵysynan saýda-ekonomıkalyq jáne ınvestısııalyq ynty­maq­tastyqty keńeıtý, amerıkalyq taraptyń «100 naqty qadam» Ult Josparyn júzege asyrýǵa qaty­sý múmkindigi, sondaı-aq, dás­túrli jáne balamaly ener­getıka salalaryndaǵy yntymaq­tastyq máseleleri boıynsha pi­kir almasty. Halyqaralyq ǵy­lymı-tehnıkalyq ortalyqtyń bir­lesken jobalaryn iske asyrý­daǵy seriktestik jaıy da talqy­laý taqyryptarynyń birine aınaldy. AQSh energetıka vedomstvo­synyń basshysy klımattyń jahan­dyq ózgerýine, bolashaq urpaq úshin taza ekologııany saq­taýǵa qatysty óziniń alańdaý­shy­lyǵyn bildire kelip, Qazaq­stannyń aldaǵy EKSPO-2017 halyqaralyq mamandandyrylǵan kórmesine AQSh-ty qatysýǵa shaqyr­ǵanyn qýattady. Sondaı-aq, ol Qazaqstan Prezıden­tiniń EKSPO-sıtı ınfraqury­ly­mynyń negizinde BUU janynan Jasyl tehnologııalardy damytý ortalyǵyn qurý jónindegi bas­tamasy men bolashaqta «Astana» Halyqaralyq qarjy ortaly­ǵynyń alańyn amerıkalyq kompanııalar men ınvestısııalyq qor­lardyń paıdalanýyna múmkindik beriletinine óziniń rızashylyǵyn jetkizdi. «Egemen-aqparat».