Parlament Senatynyń Tóraǵasy Qasym-Jomart Toqaev Halyqaralyq Túrki akademııasynyń prezıdenti Darhan Qydyrálini qabyldady.
Ol joǵarǵy palatanyń basshysyn naýryzdyń sońynda BUU shtab-páterinde bolǵan «Jibek jolynyń boıyndaǵy sınergııa jáne BUU-2030 kún tártibi» halyqaralyq sımpozıýmy týraly habardar etti.
Joǵary deńgeıdegi forým alǵash ret Uly Jibek jolynyń aıasyndaǵy jan-jaqty yntymaqtastyqtyń ózekti máselelerin talqylady jáne BUU-ǵa múshe memleketterge tıisti usynymdar ázirledi. Q.Toqaev Qazaqstan Prezıdenti N.Nazarbaevtyń bastamasy boıynsha qurylǵan Túrki akademııasynyń qyzmetine aldaǵy kezeńderde de tabys tileı otyryp, el ıgiligi jolynda eńbektene berýdiń uly maqsat ekenin bildirdi, dep habarlady Parlament Senatynyń baspasóz qyzmeti.